ဘောလုံးကွင်းထဲက နှလုံးသားများ | ငြိမ်းချမ်းအေး

ဟိုတရက်က စပါး နဲ့ ဘော်လ်တန် ကစားတဲ့ FA ဖလားဘောလုံးပွဲမှာ နှလုံးရပ်ပြီး လဲကျသွားတဲ့ ဘော်လ်တန် ကစားသမား မူအမ်ဘာ ကို ဖြစ်ဖြစ်ချင်း စပြီး ပြုစုစောင့်ရှောက် အသက်ကယ်ပေးခဲ့တဲ့ ဆရာဝန်တွေရဲ့ အဲဒီနေ့က အဖြစ်အပျက်ကို ပြန်ပြောပြတဲ့ အင်တာဗျူးတွေ ကြည့်ရတာ စိတ်နှလုံးကို ထိခိုက်စေသလို ကြည်နူးပီတိလည်း ဖြစ်စေတယ်။

လဲကျသွားတာကို စသတိထားမိသူက ဘော်လ်တန်အသင်းရဲ့ အရိုး၊ အကြောပညာရှင်(Physio)၊ သူက “ကွင်းထဲဝင်ဟေ့၊ ကွင်းထဲဝင်ကြဟေ့” ဆိုပြီး ကုန်းအော်တယ်။  ဘော်လ်တန် ဆရာဝန် နဲ့ ဆေးအဖွဲ့လည်း ပြေးဝင်ပြီး လဲကျနေတဲ့ ကစားသမားကို စ စမ်းသပ်ကြည့်ကြတယ်။

အဲဒီအချိန်မှာပဲ ပြိုင်ဘက် စပါး အသင်းက ဆရာဝန်လည်း ဝင်လာပြီး ဝိုင်းကူ လုပ်ပေးတယ်။  သူတို့က လူနာကို ပါးစပ်ချင်း တေ့ပြီး အသက်ရှုစေတာ၊ အောက်စီဂျင်ပေးတာ၊ CPR (လက်ဖြင့် နှလုံးပြန်ခုန်အောင်) လုပ်တာ စတာတွေနဲ့ လူနာ နှလုံးပြန်ခုန်လာအောင် ကြိုးစားကြတယ်။  ဒိုင်လူကြီး၊ နှစ်ဘက် ကစားသမား၊ ပရိသတ် အားလုံးက ငြိမ်ပြီး လူတယောက် အသက် လုနေရတာကို စိုးရိမ်တကြီး စောင့်ကြည့်နေတယ်။  အဲဒီအချိန်မှာ ဘောလုံး ဆိုတာ မရှိဘူး၊ ပြိုင်ဘက် ဆိုတာ မသိဘူး။ လူဖြူတွေ၊ လူမဲတွေ၊ ဘာသာမတူ၊ လူမျိုးကွဲတာတွေ မစဉ်းစားမိဘူး။  လူအသက်တချောင်း ရှင်ဖို့က အားလုံးအတွက် အရေးကြီးဆုံး ဘုံတန်ဖိုး၊ ဘုံအကျိုးစီးပွား ကိစ္စဖြစ်သွားတယ်။

ကွင်းထဲက ဆေးအဖွဲ့ CPR လုပ်နေတာလည်း မြင်ရော ပရိသတ်ထဲက အင်္ဂလန်ရဲ့ ထိပ်တန်း နှလုံးအထူးကု ဆရာဝန်ကြီး (စပါးပရိသတ်) က ကွင်းဘေးက လုံခြုံရေးတွေကို ခွင့်တောင်းပြီး ကွင်းထဲကို ဝင်လာတယ်။  ကွင်းထဲက ဆေးအဖွဲ့နဲ့ ပူးပေါင်းပြီး လူနာအသက်ကို ကယ်ဖို့ သူ့ရဲ့ ကျွမ်းကျင်မှု ပညာကို ပေးတယ်။  အဲဒီ နှလုံးအထူးကု ဆရာဝန်ကြီးက ခု အင်္ဂလန်မှာ ကစားသမား အသက်ကို ကယ်ခဲ့တဲ့ ဆရာဝန်ကြီး အနေနဲ့ ဟီးရိုးဖြစ်နေတယ်။

လန်ဒန် အရေးပေါ် သူနာပြုယာဉ်ကလည်း ဝန်ဆောင်မှု ကောင်းတော့ အလျင်အမြန်ပဲ ရောက်လာတယ်။  လူနာကို ဆေးရုံကို ခေါ်သွားတော့ ပွဲကြည့်စင်ကို ဖြတ်တဲ့ ပေါင်းကူးတံတားထဲမှ (၁) ခါ၊ လမ်းတလျှောက် ကားပေါ်မှာ (၁၂)ခါ စက် (defibrillator) နဲ့ နှလုံးပြန်ခုန်လာအောင် ကြိုးစားကြတယ်။

စလဲတဲ့ အချိန်ကနေ ဆေးရုံရောက်တဲ့အချိန်အထိ (၄၈) မိနစ်ကြာတယ်။  ဆေးရုံရောက်ပြီး မိနစ် (၃၀) ကြာတဲ့အထိလည်း (စက်အကူအညီနဲ့တောင်) နှလုံးပြန်ခုန်မလာသေးဘူး။  ဆိုတော့ ကစားသမား ဟာ (၇၈) မိနစ်ကြာ နှလုံးခုန်ရပ်နေတယ်၊ တနည်းအားဖြင့် သေသွားခဲ့တယ်။

အများအားဖြင့်လည်း Defibrillator (၃)/(၄) ခါထက် ပိုလုပ်လို့မှ မရရင် အသက် ဆုံးတတ်တယ်။  ဆေးရုံကို ပါသွားတဲ့ ဘော်လ်တန် ဆရာဝန်က ဆေးရုံကို ရောက်လို့ ဆေးရုံက ဆရာဝန်တွေ လက်ထဲကို လူနာလွှဲပြီးတာနဲ့ လူနာအခြေအနေကို ကြည့်ပြီး ချုံးပွဲချ ငိုမိတယ်။  ဒါပေမယ့် သန်စွမ်းတဲ့ လူငယ်ကစားသမား တယောက် ဖြစ်တာရယ်၊ ရှေးဦးစောင့်ရှောက်မှု ကောင်းလို့ရယ်၊ လူတွေအားလုံးရဲ့ မေတ္တာစေတနာ အစွမ်းရယ်၊ ကံ ရယ် အားလုံးပေါင်းတော့ ခု အချိန်မှာ လူနာဟာ အသက်အန္တရာယ်အတွက် စိုးရိမ်စရာမလိုတော့ဘဲ သေတွင်းကနေ လွတ်သွားပြီလို့ ပြောလို့ရတဲ့ အခြေအနေ ပြန်ရောက်လာခဲ့တယ်။

ခုလို ထူထူထောင်ထောင်ဖြစ်လာတာကို ပါးစပ် ကနေ “မယုံနိုင်လောက်အောင် အံသြဖွယ်ရာပါပဲ” လို့ ပြောတဲ့ ရှေးဦးပြုစုတုန်းက ပါခဲ့တဲ့ နှလုံးအထူးကု ဆရာဝန်ကြီးက လူနာကစားသမားလေး သတိပြန်လည်လာပြီး (၂) နာရီကြာတဲ့ အချိန်မှာ လူနာနားကပ်ပြီး “မင်းနာမည် ဘယ်သူလဲ” လို့ မေးတော့ လူနာက သူ့နာမည်ကို ပြန်ဖြေနိုင်တယ်။  ပြီးတော့ ဆရာဝန်ကြီးက

“ဟေ့..မင်းက တကယ်တော်တဲ့ ဘောလုံးသမားလေးဆို..” လို့ ဆက်မေးတယ်။

လူနာ ကစားသမားလေးက “ကျနော် ကြိုးစားပါတယ်” လို့ ပြန်ဖြေတယ်။

ဆရာဝန်ကြီးက “ကျနော် သူပြန်ပြောတဲ့ စကားကို ကြားရတော့ မျက်ရည်ကျရပါတယ်” လို့ ပြောတယ်။

အာဖရိက အနွယ်ဝင် ကွန်ဂိုနိုင်ငံဖွား၊ အင်္ဂလန်ကို ဒုက္ခသည်အနေနဲ့ ရောက်လာခဲ့ပြီး အင်္ဂလန်ကိုယ်စားပြု လူငယ်အသင်းတွေမှာ ယှဉ်ပြိုင်ခဲ့တဲ့ ခု (၂၃) နှစ် အရွယ် ရှိပြီဖြစ်တဲ့ မူအမ်ဘာ ရဲ့ ဘောလုံးသမားဘဝ ရှေ့ခရီးဆက်ဖို့ အရေးက မသေချာတော့ပေမယ့် သူ့ရဲ့ ကြေကွဲဖွယ် ဖြစ်ရပ်က လူတွေရဲ့ စိတ်တွေမှာ မမြင်နိုင်တဲ့ စည်းတွေ၊ နံရံတွေလို ခြားနားထားတဲ့ ပြိုင်ဘက် ဆိုတာတွေ၊ အသားအရောင်မတူ၊ နိုင်ငံခြား၊ လူမျိုးကွဲတာတွေ စတဲ့ လူလုပ် (man-made) အစွဲတွေကို ချွတ်နိုင်ခဲ့ပြီး လူတွေရဲ့ အတွင်းစိတ်သဏ္ဌာန်မှာ ရှိနေမြဲဖြစ်တဲ့ လူလူချင်း မေတ္တာထားနိုင်တဲ့ ဖြူစင်တဲ့ နှလုံးသားကို ဆွဲဖွင့်ပေးနိုင်ခဲ့တယ်။

ကစားသမားလေး အမြန်ကျန်းမာလာပါစေ ဆုတောင်းပေးရင်းနဲ့ လူအချင်းချင်းလည်း ပိုမို မေတ္တာ ထားနိုင်ကြပါစေ။

ငြိမ်းချမ်းအေး

၂၃၊ မတ်လ၊ ၂၀၁၂

(ဧရာဝတီ မီဒီယာ ဘလော့ စာမျက်နှာတွင် မူရင်း ဖော်ပြခဲ့သည်။)

To Read @ Irrawaddy Blog: http://blog.irrawaddy.org/2012/03/blog-post_5768.html

Follow My Works @

Blog: https://nyeinchanaye81.wordpress.com/

Facebook: https://www.facebook.com/nyeinchanaye81

Twitter: https://twitter.com/nyeinchan81

Google+: https://plus.google.com/u/0/102020666069750584116/posts

YouTube: http://www.youtube.com/user/nyeinchanaye81

Response to Criticism Over Peaceful Protests | Nyein Chan Aye

I would like to respond to comments by Ludu Sein Win and Dr. Than Htut Aung (CEO, Eleven Media Group) regarding Monday’s small protest to commemorate the fourth anniversary of a brutal crackdown on the monk-led uprising (2007) in Burma.

First and foremost, I’d like to say that “Freedom of Speech and Expression” is the most important basic rights provided to any citizen in a democratic state.  It doesn’t matter Ludu Sein Win or Dr. Thant Htut Aung or even Daw Aung San Suu Kyi (I really don’t think she did say something against it or she will) or whoever agrees or not.

I have never come across such a disapproving comment regarding a protest from Ludu Sein Win before as he always believes in “People Power”.  He always calls for People Power movement.  His response to this matter was quite quick.  He didn’t seem to be well-informed about what happened actually; he just made the comment based on what he was told, I suppose.

(To Ludu Sein Win — With all due respect Sir, please do think it over again regarding the matter and I look forward to hearing more positively from you after digesting the new development of the matter.)

Here I’d like to recall a similar event in the past.  Just after 2007 saffron revolution, one well-known writer (now retired) who is also a former NLD CEC member, said all Burmese people can do about politics is just a demonstration against the regime in the streets which actually means no more than the A, B, Cs of a democracy movement process.  At that time, I was disappointed because I expected some positive encouragement or intellectual political analysis or something wise from a veteran politician who knows Burmese politics.

No wonder that later on he actively promoted the regime’s 2010 sham election and wrote many articles in favour of regime’s way of democratization.  His later actions reflect where he stands that totally comply with what he said before that’s why now I don’t feel bad at all about his then comment because I, personally, don’t care or pay attention anything anymore what he says or does.

I respond now because I don’t wish to see Sayar Ludu Sein Win to let me down again like the person above.

I don’t intend to protest much about Dr. Than Htut Aung’s comment because I don’t think he is a public figure.  However, I have to say just one thing because he mentioned Daw Aung San Suu Kyi in his comment.  In a recent interview with AFP, Daw Aung San Suu Kyi simply refers to Libya case particularly that the wounds that will remain unhealed for so long because of armed uprising.  It just means violent movement didn’t answer the problems in Burma and it won’t in the future as well.  She doesn’t say anything against peaceful demonstration and I don’t think she will say so in the future.

(To Dr. Than Htut Aung — please do bear in mind that you can control your own media policy but please don’t try to manipulate other people rights through your successful/powerful media.)

I can understand their concern.  It cannot make me to accept their comments, though.  I think, they can show their concerns by making positive comments regarding the matter.

For example, “The exercise of political rights like peaceful demonstrations should be welcome by all means in this new so-called democratic government.  But we concern that it can also affect negatively on the national reconciliation process which is still in the very early stage and very fragile at the moment”.

If they say so like the above example, I would not argue with them even though I don’t believe peaceful protest can make any negative effect to the progress of dialogue or national reconciliation process.  I believe, it can even help to foster democracy and reform process in Burma.  Please remember that 2007 uprising forced the military regime to do some changes such as election, constitutional government, parliament.  I never thought all these so-called developments were done by the regime voluntarily.

In short, what Ludu Sein Win and Dr. Than Htut Aung (a well-known journalist and an owner of powerful media in Burma) said make me think they encouraged people to vote 2010 shameful election because they said an election or voting is one of the practices and procedures of a democratic society.  To the contrary, now they blame peaceful demonstration which is not only basic civil and political rights but also another practice indeed to exercise by people in a democratic nation.

In my opinion, a protest or a demonstration would not make any kind of trouble to the national reconciliation process in Burma as long as demonstrators maintain non-violence actions.  Non-violence movement does not mean ‘no demonstrations’ but it means ‘peaceful resistances’ to achieve the cause by using symbolic protests, civil disobedience, economic or political noncooperation, and any other possible peaceful methods.  For instance, there was a series of nationwide people’s movements of decades-long nonviolent struggle against British rule in India led by Mahatma Gandhi which was not just helped India to win its independence in 1947 but also a good example for many other successful democracy movements worldwide like Martin Luther King’s civil rights struggle for African Americans in the States.

In fact, the origin of English term, ‘Democracy’ is a Greek word dēmokratía (rule of the people) which was actually coined from dêmos (people) and Kratos (power).  Moreover, there is not a single successful revolution in the history against a dictatorship without involvement of a people power movement.

To conclude, I agree that it’s better if we achieve full democratization or national reconciliation only through the means of dialogue between concerned parties.  I have no doubt about Daw Aung Suu Kyi’s wisdom and political judgment or her cautiously optimistic words regarding her new approach to deal with the 50-year old regime.  I do understand her current situation and its very limited alternatives.  However, I profoundly believe small incidents like Monday’s event can be the spark to set off nationwide peaceful demonstrations that can also be helpful in some ways to Daw Aung San Suu Kyi’s work of persuading the regime to take concrete actions for full democratization and national reconciliation in Burma.

NYEIN CHAN AYE

27^th September, 2011

To Read @ Mizzima Link (1): http://www.mizzima.com/news/84-uncategorised/5993-response-to-criticism-of-demonstration-on-monday

To Read @ Mizzima Link (2): http://mizzimaenglish.blogspot.com.au/2011/09/response-to-criticism-of-demonstration.html

Follow My Works @

Blog: https://nyeinchanaye81.wordpress.com/

Facebook: https://www.facebook.com/nyeinchanaye81

Twitter: https://twitter.com/nyeinchan81

Google+: https://plus.google.com/u/0/102020666069750584116/posts

YouTube: http://www.youtube.com/user/nyeinchanaye81

Our Lingua Franca: Can Football heal animosities in Burma? | Nyein Chan Aye

“Our lingua franca” – It was the word that came into my mind when I saw the news photo of Daw Aung San Suu Kyi’s attending a football match at the National Youth Stadium in Rangoon.  I learned the word “lingua franca” many years ago in a Newsweek article: “Our Lingua Franca: How football can heal animosities. (2002)” which was one of the most beautiful articles I have ever read in my life.  The phrase “lingua franca” generally means a language that serves as a common means of communication between people not sharing a mother tongue.  In short, it is a bridge language or common language.

I am sure no one would deny me saying our lingua franca is football, which has become a universal common passion that can bring together people, young and old, regardless of their cultural background.  It doesn’t matter where you were born or what language you speak.  Football gives us a common cause, a common pursuit and, of course, a common language.

I, myself, experienced so many situations in which football is a common language.  Last year, I spent a long train journey across Australia by talking about world football with a complete stranger, a UK born Englishman who was raised in Spain.  We both understood that passion for football has no borders, it’s the same everywhere.  Quite recently, I experienced the same with a German teenager who was travelling around the world during his school holiday.  We still keep in touch with each other online as football brought us closer.

To embrace diversity and respect ideological, national, cultural, racial and religious differences, football plays a vital role as a passion for football can transcend all those barriers.  For instance, both North and South Korean football fans came to South Africa and enjoyed wonderful moments together during the last World Cup despite different political backgrounds.  In fact, in ancient times the Romans and the Greeks canceled their battles in order to participate in sporting competitions so it is obvious that sport events like football games can help to ease tensions between two aggressive parties.  Instead of making war, it is also the best and only safest way to release patriotic emotions between countries that have racial or political hatred.

However, it is clear that initiating a political dialogue between two different sides is really challenging, especially in Burma where political crisis is not just an ideological disagreement between democratic forces and a military regime or totalitarianism but also severe in ethnic conflicts.  The problem is rooted in the early years of independence because a genuine Federal Union was never fully implemented and it makes the current situation even worse.

I agree with you if you say there are other important issues rather than football that must share as a mutual interest to build confidence and establish a common ground for dialogue.  However, I sincerely believe that the willingness of some people in the military-backed government and pro-military cronies to share experiences, ideas, and commonalities of interests (at least, in Football at the moment) with pro-democracy leader Daw Aung San Suu Kyi can create bonds between different sides and eventually it will sort out the country’s problems.

I understand that there is still a long way to go to establish a genuine democratic system of government that can guarantee human rights, political equality, and ethnic self-determination, but I hope it’s the beginning of the end of the desert years of our beloved country and signals a better future ahead.  “Let’s just hope for the best…all the while…preparing for the worst.”

NYEIN CHAN AYE

15, September, 2011

To Read @ Mizzima Online Media: http://www.mizzima.com/business/84-uncategorised/5942-can-football-heal-animosities-in-burma

အမျိုးသားဒီမိုကရေစီအဖွဲ့ချုပ် သို့ အိတ်ဖွင့်ပေးစာ | ငြိမ်းချမ်းအေး

မှ/
ငြိမ်းချမ်းအေး
(သာမန် ဗမာနိုင်ငံသား တဦး)
ခေတ္တ – ဘရစ္စဘိန်းမြို့၊ ကွင်းစလန်းပြည်နယ်၊
သြစတြေးလျနိုင်ငံ။

ရက်စွဲ – ၂၀၁၁ ခုနှစ်၊ ဒီဇင်ဘာလ (၇) ရက်။

သို့/
ဒေါ်အောင်ဆန်းစုကြည်
အထွေထွေအတွင်းရေးမှုး၊
အမျိုးသားဒီမိုကရေစီအဖွဲ့ချုပ်၊
အမှတ် (၉၇/ခ)၊ အနောက်ရွှေဂုံတိုင်လမ်း၊
ဗဟန်းမြို့နယ်၊ ရန်ကုန်မြို့။

အကြောင်းအရာ။ ။ ဗမာနိုင်ငံသားတဦးအနေနဲ့ အမျိုးသားဒီမိုကရေစီအဖွဲ့ချုပ် သို့ တင်ပြချက်၊ အိတ်ဖွင့်ပေးစာ။

ချစ်ခင်လေးစားရတဲ့ ဒေါ်အောင်ဆန်းစုကြည် နှင့် အမျိုးသားဒီမိုကရေစီ အဖွဲ့ချုပ် ခင်ဗျား..။

ကျွန်တော် ယခု အမျိုးသားဒီမိုကရေစီ အဖွဲ့ချုပ်ကို တင်ပြချင်တဲ့ အကြောင်းအရာတွေက ယခင်ကတည်းက တင်ပြချင်နေတဲ့ အကြောင်းအရာတွေပဲ ဖြစ်ပါတယ် ခင်ဗျား။ လတ်တလော ရေးဖြစ်ရတဲ့ အကြောင်းကတော့ ခုလေးတင် ကချင်ပြည်နယ်မှာ နေတဲ့ သူငယ်ချင်း (အွန်လိုင်း သူငယ်ချင်းမဟုတ်ပါ) ဆီက စာရလို့ ဖြစ်ပါတယ်။ စာထဲမှာ လက်ရှိ ပြည်တွင်းစစ်ရဲ့ လူတွေ အပေါ်ထိခိုက်မှုကို အဓိက စိတ်ခံစားမှု အသားပေးပြီး ရေးထားတယ်။ စာဖတ်ပြီးတော့ စစ်ပွဲကြားမှာ နေရတဲ့ သူတို့ရဲ့ ဘဝကို ပိုပြီး စာနာ နားလည်းလာမိတယ်။ စစ်ဆိုတာ ရုပ်ပိုင်းဆိုင်ရာ တခုတည်း ဖျက်ဆီးနိုင်တာ မဟုတ်ဘူး။ စစ်ကြောင့်ရတဲ့ စိတ်ဓာတ်ပိုင်းဆိုင်ရာ ဖျက်ဆီးခံရမှု၊ စိတ်ဒဏ်ရာ အနာတရ (Psychological Trauma) က ပိုဆိုးတယ်လို့ ထင်မိတယ်။ ရုပ်ဝတ္ထု ပစ္စည်း ဖျက်ဆီးခံရတာက ပြန်တည်ဆောက်ရင် ခဏပဲ ကြာတာ၊ စိတ်ဒဏ်ရာက ရေရှည်ကုစားရတာ၊ ကလေးတွေဆိုရင် ပျောက်ဖို့တောင်မလွယ်ဘူးလို့ ယူဆမိတယ်။ ရာစုနှစ်တွေချီပြီ စစ်ပွဲကြားမှာနေခဲ့ရတဲ့၊ ခုချိန်ထိလည်းနေ နေ ရတဲ့ လူတွေ (ကလေး/လူကြီး) ရဲ့ ခက်ခဲကြမ်းတမ်းတဲ့ ဘဝကို စိတ်ကူးနဲ့တောင် တွေးမကြည့်ရဲပါဘူး ခင်ဗျား။
သူငယ်ချင်းက ပြောတယ်။ မနေ့တနေ့ကပဲ အစိုးရ တပ် သူတို့မြို့က နတ်စင်မှာ နတ်ပြပြီး KIA ကို အပြတ်တွယ်မယ်ဆိုကာ တက်သွားလေရဲ့ တဲ့..။ ကချင်ပြည်နယ်က လူတွေကတော့ ဒေါ်အောင်ဆန်းစုကြည်ကို မျှော်နေကြသတဲ့..။

ခုချိန်မှာ လေကိုသာ ရေလိုသုံးပြီး တပြည်လုံး (တကမ္ဘာလုံးလို့ လည်း ပြောလို့ရတယ်) မှာ လုပ်သမျှ တင့်တယ်နေတဲ့ ကြတ်ပြေးက စစ်တပိုင်း အစိုးရကိုတော့ ဘာမှ အပြစ်မပြောလိုဘူး။ အစကတည်းက စေတနာမှန်လိမ့်မယ်လို့လည်း မယူဆခဲ့ဘူး။ တခါတလေ ပျဉ်ဖိုးနားမလည်ဘဲနဲ့ (ကန်တော့ ပါရဲ့) အရူးချီးပန်းပြောတဲ့ စကားတွေကို ဒီတခါတော့ အဟုတ်ပြောတာနေမှာပဲလို့ ဟုတ်လိမ့်နိုးနိုးစိတ်နဲ့ ယုံမိတာတော့ရှိတယ်။ ဒါလည်း ပြောတိုင်းမဟုတ်ခဲ့ရင် ဒီလူတွ အမြဲတမ်း အပြောတမျိုး၊ အလုပ်တမျိုးနဲ့ဟာ၊ မင်းကသွားယုံတာ မင်းအပြစ်ပဲ ဆိုပြီး ကိုယ့် ကိုယ် ကိုယ်ပဲ အပြစ်တင်ပြီး ဖြေသိမ့်လိုက်တယ်။ နောက်ဆုံး နားကြားပြင်း မတရား ကတ်လာရင် လူမှုကွန်ရက် စာမျက်နှာတွေပေါ်မှာ အပြစ်တင်ဝေဖန်၊ ဒါမှမဟုတ်.. ယုတ်စွအဆုံး (နားနဲ့မနာဖဝါး နဲ့နာပါ ခင်ဗျား) ဆဲရေးတိုင်းထွာပြီး ကိုယ့်ဒေါသကို ဖြေလိုက်တယ်။ ဖြေလို့ရတယ်။ ဒီ့ထက်မပိုဘူး။ ကျွန်တော် ပြောချင်တာက သူတို့ကို အစကတည်းက ချစ်ခင်လေးစားယုံကြည်မှု မရှိတော့ စိတ်ထဲမှာ ဘာမှ မခံစားရဘူး၊ ခံစားချက် မရှိဘူး၊ ဥပက္ခာပြု နိုင်တယ်။ အင်္ဂလိပ်လိုဆိုရင် “To me, they are hopeless already.” ပေါ့ ခင်ဗျား။

ဒါပေမယ့်… (ဒီ..’ဒါပေမယ့်’ က တော်တော်အရေးကြီးတဲ့ ‘ဒါပေမယ့်’ ပါ ခင်ဗျား)

ကိုယ်အစကတည်းက ချစ်တဲ့၊ လေးစားတဲ့၊ ယုံကြည်တဲ့၊ အမျှော်လင့်ကြီး မျှော်လင့်ခဲ့ရတဲ့ ဒေါ်အောင်ဆန်းစုကြည် နဲ့ အမျိုးသားဒီမိုကရေစီ အဖွဲ့ချုပ် ကိုတော့ အဲ့ဒီလို ဥပက္ခာ မပြုနိုင်ဘူး။ လုပ်ချင်ရာ လုပ်ဟေ့.. ဆိုပြီး ပေယျာလကန် မထားနိုင်ဘူး။ ခံစားမှုမရှိနိုင်၊ ဥပက္ခာပြုနိုင်တဲ့ အခြေအနေ ဖြစ်သွားမှာကို မကြည့်ရက်၊ မမြင်ရက်၊ မကြားရက်လို့ ဒီ အိတ်ဖွင့်ပေးစာ ရေးရခြင်း ဖြစ်ပါတယ် ခင်ဗျား။ ချစ်နေတုန်းပဲ အမုန်းစကား ဆိုချင်ပါတယ်၊ ဆိုပါရစေ…ခင်ဗျား။

“ရွှေဂုံတိုင် ကြေညာစာတမ်း၊ ဒုတိယ ပင်လုံ၊ ကိုယ်စွမ်၊ ဉာဏ်စွမ်းရှိသလောက် တိုင်းရင်းသား ဒေသတွေမှာ ငြိမ်းချမ်းရေးရအောင် ကြိုးစားပါ့မယ် ဆိုတဲ့ ကတိ” စတဲ့.. စတဲ့.. ပြည်သူလူထုကို ကတိပေးခဲ့တဲ့ စကားတွေကိုတော့ ချစ်ခင်လေးစားရတဲ့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် အနေနဲ့ မမေ့စေချင်ဘူး ခင်ဗျာ့။ ဖြစ်အောင်လုပ်နေတယ် (ဒါမှမဟုတ်) လုပ်မယ်လို့လည်း အခု အချိန်အထိ ယုံကြည်နေပါတယ် ခင်ဗျား။

၁၉၉၀ ရွေးကောက်ပွဲရလဒ်ကို စွန့်ပြီး ခု ပါတီ မှတ်ပုံပြန်တင်တာ၊ ရွေးကောက်ပွဲ ဝင်တာကိုလည်း ပြင်းပြင်းထန်ထန် ကန့်ကွက်စရာ မရှိပါ။ ကျွန်တော့် အမြင်အရ ဒီဆုံဖြတ်ချက်က စံနှုန်းတွေနဲ့ ကြည့်ရင် လက်ခံချင်စရာ မရှိပေမယ့် ပကတိအခြေအနေအရ အလုပ်သင့်ဆုံး လမ်းဆိုတာ လက်ခံပါတယ်။ ‘Pragmatic thinking’ က လက်တွေ့ဘဝမှာ ‘Normative thinking’ ထက်ပိုပြီး ထိရောက်တယ်၊ အမှန်တရားတော့ ဟုတ်ချင်မှ၊ ဟုတ်မယ်၊ ဒါပေမယ့် လက်တွေ့ အလုပ်ဖြစ်တယ်၊ ဆိုတာကို ရင်နာနာနဲ့ လက်ခံထားတဲ့ ကျွန်တော့် အနေနဲ့ အမျိုးသားဒီမိုကရေစီအဖွဲ့ချုပ်ရဲ့ အခုသွားမယ်ဆိုပြီး ရွေးလိုက်တဲ့လမ်းကို ထောက်ခံပါတယ်။ တိုင်းပြည်အတွက် အကျိုးပိုများလာစေမယ်လို့လည်း ယုံကြည် မျှော်လင့်မိပါတယ် ခင်ဗျား။

၁၉၉၀ ရွေးကောက်ပွဲရလဒ်ကို အကောင်အထည် မဖော်နိုင်ခဲ့လို့ အမျိုးသား ဒီမိုကရေစီအဖွဲ့ချုပ် က တရားဝင် တောင်းပန်ခဲ့တာကိုလည်း ကျွန်တော် တဦးတည်း သဘောထားအနေနဲ့၊ ၉၀ ရွေးကောက်ပွဲမှာ အသက်မပြည့်လို့ မဲမပေးခဲ့ရတဲ့ သူတယောက်အနေနဲ့၊ နှစ်(၂၀) ကျော် စစ်အစိုးရရဲ့ ပြင်းထန်တဲ့ ဖိနှိပ်မှု၊ ပရိယာယ်ေ၀၀ုစ်၊ ဉာဏ်များမှုဒဏ်ကို ကြံ့ကြံ့ခံ ရင်ဆိုင်ခဲ့ရတဲ့ ဒေါ်အောင်ဆန်းစုကြည် နဲ့ အမျိုးသားဒီမိုကရေစီ အဖွဲ့ချုပ် ရဲ့ အခြေအနေကို စာနာနားလည်ပေးနိုင်တဲ့ သူတယောက်နေနဲ့ အမျိုးသားဒီမိုကရေစီ အဖွဲ့ချုပ် တောင်းပန်တာကို လက်ခံပါတယ်၊ ကျေနပ်ပါတယ်။ အပြစ်တင်စရာ မရှိပါ ခင်ဗျား။ (တခြား တကယ် မဲပေးခဲ့တဲ့ မဲဆန္ဒရှင်တွေရဲ့ သဘောထားတော့ မသိပါ။)
နောက်တခု တင်ပြချင်တဲ့ အကြောင်းအရာကတော့ အမျိုးသားဒီမိုကရေစီအဖွဲ့ချုပ်ရဲ့ ထုတ်ပြန် ကြေညာချက်တွေ နဲ့ လုပ်နည်းလုပ်ဟန်တွေပါ။ ကျွန်တော့် အမြင်အရ ထုတ်ပြန်ကြေညာချက်ထုတ်ရုံ သက်သက်နဲ့တော့ ခေါင်းမာတဲ့၊ သူတို့သွားချင်တဲ့လမ်းကို အများစုရဲ့ ဆန္ဒပါသည်ဖြစ်စေ၊ မပါသည်ဖြစ်စေ၊ တရားသည်ဖြစ်စေ၊ မတရားသည်ဖြစ်စေ၊ ဒီမိုကရေစီစံနှုန်းတွေနဲ့ ကိုက်ညီသည်ဖြစ်စေ၊ မကိုက်ညီသည်ဖြစ်စေ၊ သူတို့ရဲ့ အကျိုးစီးပွား၊လုံခြုံမှုကို ဦးစားပေးပြီး စနစ်တကျ ပုံဖော်ဆောင်ရွက်နေတဲ့၊ အင်အားကြီးမာနေပြီဖြစ်တဲ့ စစ်တပိုင်းအစိုးရရဲ့ ပကတိ သဘောထားကို ပြောင်လဲနိုင်လိမ့်လို့ မယူဆမိပါ ခင်ဗျား။

ထုတ်ပြန်ကြေညာချက်တွေရဲ့ နောက်မှာ သင့်တော်တဲ့ အရေးယူမှုတွေ ဆောင်ရွက်ရမယ်လို့ ထင်မြင်မိပါတယ်။ ဥပမာ- နိုင်ငံရေး အကျဉ်းသားတွေ ခြွင်းချက်မရှိ အကုန် လွှတ်ပေးရမယ်လို့ ကြေညာချက်ထုတ်ပြန်ပြီး အချိန်ကာလတခုအတွင်းမှာ အစိုးရဘက်က အပြည့်အဝ ပူးပေါင်းဆောင်ရွက်မှု မရှိရင် ပိုပြီးထိရောက်တဲ့၊ ပြင်းထန်တဲ့ အရေးယူဆောင်ရွက်မှု (follow-up action) အနောက်က လိုက်ဖို့ လိုတယ်လို့ ထင်မြင်မိပါတယ် ခင်ဗျား။ လက်မှတ်ရေးထိုးတောင်းဆိုမှု နောက်က လိုက်ခဲ့ပေမယ့် အလုပ်မဖြစ်တာ လက်ရှိ ထောင်ထဲမှာရှိနေဆဲ ပုဂ္ဂိုလ်တွေက သက်သေပါ။ ပိုမိုထိရောက်တဲ့၊ အမျိုးသားဒီမိုကရေစီအဖွဲ့ချုပ်ရဲ့ အခြေခံ အကြမ်းမဖက်ရေး လမ်းစဉ်ကို မထိခိုက်တဲ့၊ လှုပ်ရှားမှုတွေ လုပ်နိုင်ပါသေးတယ် ခင်ဗျား။ ဥပမာ – အမျိုးသားဒီမိုကရေစီအဖွဲ့ချုပ်က ဦးဆောင်ပြီး တနိုင်ငံလုံးအတိုင်းအတာနဲ့ လူထုအစည်းအဝေးတွေ ခေါ်၊ လူထုဆန္ဒဖော်ထုတ်ပွဲတွေ လုပ်ပြီး ပြည်တွင်းစစ်ရပ်စဲရေး၊ နိုင်ငံရေး အကျဉ်းသားလွတ်ပေးရေး စတဲ့ တိုင်းပြည်မှာ အရေးယူ ဆောင်ရွက်ဖို့ အရေးတကြီးလိုအပ်နေတဲ့ ပြဿနာတွေကို အလျင်အမြန် ဖြေရှင်းပေးဖို့ အစိုးရကို တောင်းဆိုနိုင်ပါသေးတယ်လို့ ထင်မြင်မိပါတယ် ခင်ဗျား။
ကျွန်တော့် အမြင်ကို အားနာ ဝမ်းနည်းစွာနဲ့ ပွင့်ပွင့်လင်းလင်း တင်ပြရရင် လွန်ခဲ့တဲ့ အနှစ် (၂၀) ကျော်အတွင်း အမျိုးသားဒီမိုကရေစီအဖွဲ့ချုပ်ရဲ့ ထုတ်ပြန်ကြေညာချက်တွေ၊ ကုလသမဂ္ဂရဲ့ ဗမာနိုင်ငံအပေါ် ချမှတ်ခဲ့တဲ့ အရေးယူဆုံးဖြတ်ချက်တွေ (resolution statements) တွေ၊ ကုလသမဂ္ဂ အထွေထွေအတွင်းရေးမှုး အပါအဝင် နိုင်ငံတကာခေါင်းဆောင်တွေရဲ့ ထိရောက်တဲ့ အလုပ်မပါဘဲ ဗမာပြည်အတွက် စိုးရိမ်မိပါတယ် ဆိုတဲ့ နားဝင်ချိုတဲ့ စကား သက်သက်တွေဟာ ယခင်စစ်အစိုးရအပေါ် လက်ဆုပ်လက်ကိုင်ပြလို့ရနိုင်အောင် ထိရောက်မှုမရှိခဲ့ပါ ခင်ဗျား။

ယခင် စစ်အစိုးရရဲ့ အထိုက်အသင့် ပြုပြင်ပြောင်းလဲခဲ့မှုတွေ (ဥပမာ – (၁၅) နှစ်နီးပါး အချိန်ဆွဲလာတဲ့ အခြေခံ ဥပဒေကို အဆုံးသတ် ရေးဆွဲခြင်း၊ ရွေးကောက်ပွဲကျင်းပ ပေးခြင်း၊ နအဖ အစိုးရ ဝန်ကြီးချုပ် ဗိုလ်ချုပ်ကြီး သိန်းစိန် မှ အရပ်သားအစိုးရသစ် သမ္မတဦးသိန်းစိန်ထံသို့ တိုင်းပြည် အာဏာ လွှဲပြောင်းခြင်း၊ လွတ်တော်ခေါ်ယူပေးခြင်း စတာတွေ..)၊ ယခင်စစ်အစိုးရ လက်ထက်တုန်းက သေနတ် ခါးကြားထိုးပြီး “ရေဗူးပေါက်တာ မလိုချင်ဘူး၊ ရေပါတာပဲလိုချင်တယ်”၊ “တပ်မတော်သာအမိ၊ တပ်မတော်သာအဖ” စတဲ့ စကားတွေကို ပြောပြီး ပြည်သူကို အမိန့် ပေးပုံစံနဲ့ ဖိနှိပ်အုပ်ချုပ်ခဲ့ပြီး ယခု အစိုးရသစ်မှာလည်း ပါလာတဲ့ အငြိမ်းစား ဗိုလ်ချုပ်ဟောင်းကြီးတွေ အရင်တုန်းက လေသံတောင်မကြားရဲဘဲ ခုမှ လျှာ တယားယား နဲ့ တွင်တွင် ပြောနေတဲ့ “လူ့အခွင့်အရးတွေ၊ ဒီမိုကရေစီတွေ၊ ပြည်သူလူထု ဆန္ဒကို လေးစားရမယ်၊ အမိန့်ပေးအုပ်ချုပ်လို့မရဘူး” စတဲ့ စကားအလှတွေပြောင်းပြောပြီး အနှစ်မပါတဲ့ “စစ်မိုကရေစီ (Militarized Democracy)” တရား ရေလဲ ဟောနေတာတွေ၊ စတဲ့ ပြောင်လဲမှုလို့ အကောင်းမြင် ခေါ်ချင်ရင်ခေါ်လို့ရတဲ့ အပေါ်ယံ ပြောင်လဲမှုတွေဟာ အမျိုးသားဒီမိုကရေစီအဖွဲ့ချုပ် အပါအဝင် အတိုက်အခံ ဒီမိုကရေစီ တက်ကြွလှုပ်ရှားသူများ (၈၈ မျိုးဆက်ကျောင်းသားများ အပါ) ရဲ့ နှစ် (၂၀) ကျော် မဆုတ်မနစ် ပေးဆပ်မှု၊ နိုင်ငံတကာဖိအား စတဲ့ အကြောင်းတွေကြောင့်လို့ ပြောရင် လက်ခံပေမယ့် (ကျွန်တော့် အမြင်အရ) ပြည်သူလူထုအင်အား (People Power) ကို ကြောက်လို့ ဆိုတဲ့ အကြောင်းက အဓိကကျတယ်လို ထင်မြင်မိပါတယ် ခင်ဗျား။

ကြတ်ပြေးကို ပြောင်းပြီး အစိုးရရုံးဆိုက်ရခြင်း ကိုက ယတြာကြောင့် ဆိုတာထက် လူထုအုံကြွမှုဖြစ်ရင် အစိုးရ ယန္တယားမပျက်အောင် ကြိုတင်ကာကွယ်သွားတာပါလို့ ယူဆပါတယ် ခင်ဗျား။ အတိုချုပ်ပြောရရင် ယခုပြောင်းလဲတိုးတက်မှုတွေဟာ လက်ငင်းအကြောင်း (Immediate Cause) ၂၀၀၇ ရွှေဝါရောင်တော်လှန်ရေး ရဲ့ အကျိုးဆက် နဲ့ ယခင်စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေရဲ့ အာဏာရှင်တွေ ကမ္ဘာ့သမိုင်းအဆက်ဆက်ဆိုးရွားခဲ့တဲ့ ဘဝနိဂုံး သမိုင်းသင်ခန်းစာကို လိမ္မာပါးနပ်စွာသင်ယူပြီး ကျွမ်းကျင်စွာ (သူ့အကျိုးအတွက်/ပြည်သူ့အကျိုးမပါ) လုပ်ဆောင်ခဲ့တဲ့ တိုးတက်မှုလို့ သုံးသပ်ပါတယ် ခင်ဗျား။

နောက်တခု ထပ်မံတင်ပြချင်တာက စိတ်ရှည်သည်းခံမှုပါ။ တချို့ ပုဂ္ဂိုလ်တွေပြောသလို လက်ရှိအစိုးရဲ့ တိုးတက်ပြောင်းလဲမှုတွေကို အသိအမှတ်ပြုပြီး ခဏလေး စိတ်ရှည်သည်းခံစောင့်ကြည့်ပေးဖို့ ပြောတဲ့ အယူအဆပါ။ (ဒီအယူအဆဟာ အမျိုးသားဒီမိုကရေစီ အဖွဲ့ချုပ် ရဲ့ သဘောထားလို့ မဆိုလိုပါ၊ အကြောင်းအရာ ဆက်စပ်နေလို့ တင်ပြရခြင်း ဖြစ်ပါတယ်။) ကျွန်တော်အနေနဲ့ လက်ရှိအစိုးရရဲ့ ယခင်နဲ့ မတူတဲ့ လုပ်ရပ်တချို့၊ အပြောင်းအလဲတချို့ကို အသိအမှတ်ပြုပါတယ်။ ရှေ့မှာလည်း ဆက်လက်ပြုပြင်ပြောင်းလဲ သွားလိမ့်မယ် ဆိုပြီး ယုံကြည်စိတ်ချတဲ့စိတ်၊ အကောင်မြင်တဲ့စိတ်နဲ့ နေနိုင်ပါတယ်။ ခက်ထန်ကြမ်းတမ်းမှုတွေရဲ့ အဝေးမှာရှိနေတဲ့ ကျွန်တော် လို လူအနေနဲ့ အစိုးရရဲ့ တဆင့်ခြင်း ပြောင်းလဲနေပါတယ် ဆိုတဲ့ ဖြစ်စဉ်ကို စိတ်ရှည်သည်းခံစောင့်ကြည့်ပေးဖို့ ကိစ္စက မခက်ခဲပါဘူး။ ဒါပေမယ့် ကျွန်တော့် သူငယ်ချင်းလို စစ်ပွဲကြားမှာနေ နေရတဲ့၊ စစ်ရဲ့ အနိဋ္ဌာရုံ တွေကို နေ့စဉ် မြင်တွေ့ပြီး လက်တွေ့ ခံစားနေရတဲ့ လူတွေ၊ ထောင်ထဲမှာ အပြစ်မရှိဘဲ နှစ်ရှည်လများ သွားနေရပြီး ဒုက္ခ၊သုက္ခ မျိုးစုံ ခံစားနေရတဲ့ လူတွေ (သူတို့ရဲ့ မိသားစုတွေ အပါအဝင်)၊ လူမှုဒုက္ခမျိုးစုံခံစားနေရတဲ့ အခြေခံ ပြည်သူလူထုတွေ စတဲ့ ခက်ထန်ကြမ်းတမ်းလွန်းတဲ့ ဘဝကို နေ့စဉ်နဲ့အမျှရင်ဆိုင် နေရတဲ့လူတွေကတော့ ကျွန်တော့်လို စိတ်ရှည်သည်းခံစောင့်ကြည့်ပေးဖို့ အများကြီးခက်ခဲမယ်လို့ ထင်မိပါတယ် ခင်ဗျား။

စိတ်ရှည်သည်းခံမှုနဲ့ အတူတွဲလျက် တင်ပြချင်တာကတော့ “အပြောင်းအလဲ” ရဲ့ တကယ့် အဓိပ္ပာယ် ပါ။ ကျွန်တော်အပါအဝင် ဘယ်သူမှ မငြင်းနိုင်တာက လက်ရှိဗမာပြည်မှာ အပြောင်းအလဲတွေ ဆက်တိုက်ဖြစ်နေတယ် ဆိုတာပါပဲ။ ဒါပေမယ့် ကျွန်တော် လိုချင်တဲ့ (ဒါမှမဟုတ် ကျွန်တော် ဆိုလိုချင်တဲ့) အပြောင်းအလဲက အငြိမ်းစား စစ်ဗိုလ်ချုပ်ဟောင်းကြီးများရဲ့ အတွင်း သဘောထား ပြောင်းလဲခြင်းပါ။ ဒီနေ့ တိုးတက်တဲ့ ခြေလှမ်းအနေနဲ့ ကိုမင်းကိုနိုင်ကို လွှတ်ပေးမယ်၊ မနက်ဖြန် ကိုမင်းကိုနိုင်က အစိုးရရဲ့ မူဝါဒတခုခုကို ဝေဖန်မယ်၊ သဘက်ခါ ကိုမင်းကိုနိုင်ကို ပြန်ဖမ်းပြီး ထောင်ထဲ နှစ် (၂၀) လောက်ထည့်ထားမယ်။ အဲ့ဒီလိုဆိုရင် စစ်မှန်တဲ့ တကယ့် အပြောင်းအလဲလို့ ပြောလို့မရပါ။ သူတို့ဟာ အပြောင်းအလဲကို ဦးတည်နေပြီလို့တောင် ပြောမရပါ။ “We are beginning to see the beginning of change” လို့လည်း (ကျွန်တော်တဦးတည်း အမြင်အရ) မယူဆနိုင်ပါ ခင်ဗျား။

“အပြောင်းအလဲ” ရဲ့ တကယ့် အဓိပ္ပာယ် အစစ်အမှန်က လွတ်လပ်ခြင်း၊ တရားမျှတခြင်း၊ ငြိမ်းချမ်းခြင်း၊ တန်းတူအခွင့်အရေး တွေပေါ်မှာ အခြေခံတဲ့၊ လူအများစုရဲ့ သဘောထားဆန္ဒကို အဓိကထား ဦးစားပေး ဆုံးဖြတ်တဲ့ စနစ်ဖြစ်ပေမယ့် လူနည်းစုရဲ့ အမြင်သဘောထား၊ ရပိုင်ခွင့်တွေကို လေးစားအသိအမှတ် ပြုတဲ့၊ စည်းကမ်းပြည့်ဝသော အပါအဝင် မည်သည့် နာမဝိသေသန မှမပါရှိတဲ့ ဒီမိုကရေစီရဲ့ ပြည့်ဝတဲ့အနှစ်သာရ (Virtues of Democracy) အပေါ် စစ်ဗိုလ်ချုပ်ဟောင်းကြီးတွေရဲ့ သဘောထားလက်ခံမှုနဲ့ လက်ခံပြီးနောက် တကယ် ယုံကြည်ကျင့်ကြံအားထုတ်သွားမယ်ဆိုတဲ့ ခိုင်မာထက်သန်တဲ့စိတ်၊ ဒီမိုကရေစီ အမြစ်တွယ် ရှင်သန်ခိုင်မာမှ၊ တနည်းအားဖြင့် “Democratic Consolidation” ရှိမှ ဒို့ တိုင်းပြည် ကြီးပွာတိုးတက်ပြီး၊ နိုင်ငံတကာမှာ အောက်တန်း နောက်တန်းရောက်နေတဲ့ ဘဝက လွတ်၊ လူရာဝင်လာမယ်လို့ မုချ ယုံကြည်တဲ့စိတ် စတဲ့ အခြေခံ ပကတိစိတ် အပြောင်းအလဲ (Mindset Change) ဖြစ်မှသာ စစ်မှန်တဲ့ ပြောင်းလဲမှုလို့ ယူဆနိုင်မှာပါ ခင်ဗျား။

နောက်ဆုံး တခု တင်ပြချင်တာကတော့ အမျိုးသားဒီမိုကရေစီအဖွဲ့ချုပ် လုပ်ဆောင်နေတဲ့ လူမှုရေးလုပ်ငန်းတွေအပေါ် ကျွန်တော့်ရဲ့ သဘောထားပါ ခင်ဗျား။ ဗမာပြည်လို ဆင်းရဲမွဲတေမှုက ရောဂါတခုသဖွယ် အမြစ်တွယ်နေတဲ့ တိုင်းပြည်မှာ လူမှုရေးလုပ်ငန်းလုပ်တာဟာ ဝမ်းသာအားရ ကြိုဆိုထောက်ခံရမယ့် ကိစ္စဖြစ်ပါတယ်။ လွန်ခဲ့တဲ့ အနှစ် (၂၀) နီးပါး အခက်အခဲ အမျိုးမျိုးကြားက စဉ်ဆက်မပြတ် လူမှုရေးလုပ်ငန်းတွေမှာ အမျိုးသားဒီမိုကရေစီအဖွဲ့ချုပ်ရဲ့ ပါဝင်မှုကို ချီးမွမ်းဝမ်းမြောက် သာဓုအကြီမ်ကြီမ်ခေါ်မိပါတယ်။

ဒေါ်အောင်ဆန်းစုကြည် နောက်ဆုံးအကြီမ် နေအိမ် အကျယ်ချုပ်က လွတ်လာပြီး နောက်ပိုင်း လူမှုရေး ကွန်ရက်၊ ပညာရေးကွန်ရက်တွေ ဖွဲ့စည်းပြီး ပညာရေး၊ လူမှုရေး လုပ်ငန်းတွေကို ကျယ်ကျယ်ပြန့်ပြန့် ဆောင်ရွက်နိုင်ခဲ့တာဟာ မှတ်တမ်းတင်လောက်တဲ့ အောင်မြင်မှုတခုပါ ခင်ဗျား။ ခုလည်း တိုင်းရင်းသားများ ပညာရေးရံပုံငွေ အတွက် အနုပညာရှင်တွေနဲ့ ပူးပေါင်းပြီး ဂီတပွဲတွေလုပ်မယ်ဆိုတာ သိရတော့ ဝမ်းသာကြည်နူးရပါတယ်။ ဒီလိုလုပ်ငန်းတွေရဲ့ အတွင်းသား (အနှစ်) ရည်မှန်းချက်လို့ ကျွန်တော်ယူဆတဲ့ ဒီမိုကရေစီ အဆောက်အအုံမှာ မရှိမဖြစ်လိုအပ်တဲ့ လူထုအခြေပြု လူမှုရေး အဖွဲ့အစည်းတွေ (Community Based Organizations) ဖွဲ့စည်းနိုင်မှု၊ အဲ့ဒီလို အဖွဲ့အစည်းတွေမှာ ပြည်သူလူထုပိုမို ပါဝင်လာစေရန် လေ့ကျင့်ပေးမှု စတဲ့ ဒီမိုကရေစီ လူမှုပတ်ဝန်းကျင်နဲ့ ထိုက်တန်တဲ့ အလေ့အကျင့်တွေကို ပြည်သူလူထု ကျင့်နိုင်အောင် အများသိပြီးဖြစ်တဲ့ အနုပညာရှင်တွေ (Celebrities) ရဲ့ အကူအညီယူပြီး ဆောင်ရွက်နေတဲ့၊ ဆောင်ရွက်မယ့် လုပ်ငန်းစဉ်တွေကို အပြည့်အဝ ထောက်ခံပါတယ် ခင်ဗျား။

ဒါပေမယ့် လူမှုရေးလုပ်ငန်းတွေကို ဇောင်းပေးလုပ်နေရုံနဲ့ ဗမာပြည်ရဲ့ ပင်မ ပြဿနာ ဟာ ပျောက်မသွား၊ လျော့ မသွားနိုင်ပါဘူး ခင်ဗျား။ ဆင်းရဲသားတွေကို အတိုးမဲ့ ငွေချေးပေးတာ ကောင်းပါတယ်။ ဒါပေမယ့် ဆင်းရဲသားတွေအပါအဝင် လူတန်းစားအားလုံး အခွင့်အရေးတန်းတူ ပေးတဲ့ လွတ်လပ်မျှတတဲ့ စီးပွားရေးစနစ်တခုကို အာမခံချက် ပေးတဲ့ နိုင်ငံရေးစနစ် တခုကို အမြန်ဆုံး ထူထောင်ပေးနိုင်ခြင်းက တိုင်းပြည်အတွက် ရေရှည်ပိုကောင်းမှာ ဖြစ်ပါတယ်။ မိချောင်းမင်း ရေခင်းပြသလို ဖြစ်ရင် ခွင့်လွှတ်စေချင်ပါတယ်။ ရောဂါဝေဒနာသည်တဦး ရောဂါကြောင့် နာကျင် ခံစားနေရတာကို အနာပျောက်ဆေး (Pain Killer) သက်သက်ပေးလို့ ခဏတာပဲ နာကျင်မှုသက်သာစေမှာပါ။ အနာပျောက်ဆေးနဲ့အတူ ပင်မရောဂါကို ကုစားနိုင်တဲ့ ဆေးပါ တွဲပေးမှ ဝေဒနာသည် အမြန်ဆုံးသက်သာမှာ ဖြစ်ပါတယ်။

နိဂုံးချုပ်ရရင် ဆင်းရဲခြင်း၊ စာမတတ်ခြင်၊ အကျင့်ပျက်ခြင်း စတဲ့ ဗမာပြည်မှာ ဖြစ်နေတဲ့ ရောဂါရဲ့ အဆွယ်အပွား တွေကို ကုပါ။ ပိုပြီး အဓိကကျတဲ့ ပင်မရေသောက်မြစ် ရောဂါဖြစ်တဲ့ နိုင်ငံရေးပြဿနာ ကို အမျိုးသားဒီမိုကရေစီအဖွဲ့ချုပ် အနေနဲ့ ယခုထက်ပိုမို အလေးထား ဦးဆောင်တိုက်ပွဲဝင်ပြီး အမြန်ဆုံး ဖြေရှင်းပေးစေလိုပါတယ် ခင်ဗျား။ အထူးသဖြင့် တိုင်းရင်းသားကိစ္စ၊ နိုင်ငံရေး အကျဉ်းသား ကိစ္စတွေကို ဒီထက်ပိုပြီ ရှေ့ဆောင်ဦးရွက်ပြု တိုက်ပွဲဝင်စေချင်ပါတယ် ခင်ဗျား။

ဒေါ်အောင်ဆန်းစုကြည်လို (အမျိုးသားဒီမိုကရေစီအဖွဲ့ချုပ် လို) မျက်စိကြီး၊ နားကြီး၊ ဉာဏ် ပညာ အမြော်အမြင်ကြီး၊ အကျင့်သီလ ပြီးပြည့်စုံတဲ့ လူပုဂ္ဂိုလ် တယောက် (အဖွဲ့အစည်းတရပ်) အနေနဲ့ ကျွန်တော် အထက်မှာ တင်ပြခဲ့တဲ့ လက်ရှိဖြစ်ပျက်နေတဲ့ ပကတိခြေအနေတွေ၊ အကြောင်းအရာတွေ၊ သာမန်ပြည်သူလူထုရဲ့ စိတ်ခံစားမှုတွေကို ကျွန်တော့်ထက် ပိုမိုသိရှိပြီး မှန်မှန်ကန်ကန် ဝေဖန်ပိုင်းခြားသုံးသပ်ပြီး အသင့်လျော်ဆုံး လုပ်ငန်းစဉ်တွေချမှတ်၊ ရှေ့ဆက်လုပ်ဆိုင်နိုင်မယ်လို့ ယုံကြည်မျှော်လင့်မိပါတယ် ခင်ဗျား။

ယခု အိတ်ဖွင့်ပေးစာကိုလည်း ဝေဖန်စာလို့ မယူဆစေလိုပါ ခင်ဗျား။ ဆရာကြီး လေသံ ပါသွားခဲ့ရင်လည်း မပြည့်တဲ့အိုး ဘောင်ဘင်ခတ်တာလို့ သဘောထားစေလိုပါတယ်။ ကျွန်တော်ဟာ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ကို ဝေဖန်ပြစ်တင်ပြီး နာမည်ကြီးချင်တဲ့ နိုင်ငံရေး သမားလည်းမဟုတ်ပါ ခင်ဗျား။ ရေခြားမြေခြားမှာ ဘဝရပ်တည်ရေးအတွက် ကြိုးစားရုန်းကန်နေတဲ့ သာမန် လူငယ်တယောက်ရဲ့ ခံစားချက်ကို တင်ပြတာသာ ဖြစ်ပါတယ် ခင်ဗျား။

အမျိုးသားဒီမိုကရေစီအဖွဲ့ချုပ် ဥက္ကဌ ဘဘ ဦးအောင်ရွှေ၊ ဒုဥက္ကဌ ဘဘ ဦးတင်ဦး၊ အထွေထွေ အတွင်းရေးမှုး အမေ ဒေါ်အောင်ဆန်းစုကြည်၊ ဗဟိုအလုပ်အမှုဆောင် ဘဘ ဦးဝင်းတင် အပါအဝင် အမျိုးသားဒီမိုကရေစီအဖွဲ့ချုပ် အဖွဲ့ဝင် လူကြီး၊လူငယ် အားလုံး စိတ်ချမ်းသာ ကိုယ်ကျန်းမာ၍ တိုင်းပြည်တာဝန်တွေကို ဆထက်တပိုး ထမ်းဆောင်နိုင်ပါစေလို့ ဆုမွန်ကောင်းတောင်းလိုက်ပါတယ် ခင်ဗျား။

အမျိုးသားဒီမိုကရေစီအဖွဲ့ချုပ် အတွင်းရေးမှူးဟောင်း ဘဘ ဦးလွင် မနေ့ညက ကွယ်လွန်အနိစ္စ ရောက်သွားကြောင်း သိရလို့ မိသားစုနဲ့ ထပ်တူ၊ အမျိုးသားဒီမိုကရေစီအဖွဲ့ချုပ်နဲ့ ထပ်တူ ဝမ်းနည်းကြေကွဲ ရပါကြောင်း တပါတည်း ပြောလိုပါတယ် ခင်ဗျား။

အစဉ်အမြဲ လေးစား ချစ်ခင်လျက်

ငြိမ်းချမ်းအေး
၀၇ ၊ ဒီဇင်ဘာ ၊ ၂၀၁၁

To Read @ MoeMaKa Media:
http://moemaka.com/archives/20059

စာနာနားလည်နိုင်တဲ့ စိတ်နှလုံးပိုင်ရှင် (သို့မဟုတ်) ဟံသာဝတီ ဦးဝင်းတင် | ငြိမ်းချမ်းအေး

ဦးဝင်းတင် (၁၉၃၀-)

ဓာတ်ပုံ – လွတ်လပ်တဲ့အာရှအသံ

ဒေါ်အောင်ဆန်းစုကြည် မန္တလေး ခရီးစဉ်မှာ ပါသွားတဲ့ ဆရာဦးဝင်းတင်ရဲ့ ဓာတ်ပုံတွေကို ခုတက်လာတဲ့ သတင်းတွေမှာ သိပ်မတွေ့ရဘူး။  ခုခေတ် မန္တလေး အနေနဲ့တော့ မပြောတတ်ဘူး။ ဟိုးအရင်ကတော့ ဦးဝင်းတင်ကို မန္တလေးရဲ့ ထောက်ခံမှု၊ ချစ်ခင်မှုက တော်တော်ကြီးတယ်။ စာပေအသိုင်းအဝန်း၊ စာဖတ်သူ ပရိသတ် တင်မက လူထုမောင်နှံလို မြို့မိ၊ မြိုဖတွေနဲ့အတူ မန္တလေး လူမှုပတ်ဝန်းကျင်မှာ အရေးပါ၊ အရာရောက် ဝင်ဆန့်ပြီး လူထုချစ်ခင်မှု ရခဲ့တယ်။  ဦးဝင်းတင် နဲ့ သူရဲ့ သတင်းစာ ဟံသာဝတီ အတွက် မန္တလေးဟာ အောင်မြေဖြစ်ခဲ့တယ်။

ဦးဝင်းတင် မန္တလေးရောက်သွားပုံ၊ နောက်ခံ အကြောင်းအရာ ကို သူကိုယ်တိုင် သူ့ ဘဝဇတ်ကြောင်းပြန်ပြောတဲ့ လွတ်လပ်တဲ့အာရှအသံ “ခေတ်ဝန်ကိုထမ်း၍ ခေတ်လမ်းကို လျှောက်ခြင်း” အစီအစဉ်မှာ ထည့်ပြောသွားတာလည်း စိတ်ဝင်စားဖို့ ကောင်းတယ်။

စစ်တပ်က အာဏာသိမ်းပြီး (၆) နှစ် အကြာ တော်လှန်ရေးကောင်စီခေတ် ၁၉၆၈ မှာ ပြန်ကြားရေးဝန်ကြီး ဗိုလ်မှုးချုပ် သောင်းဒန် (ကျနော် သိသလောက် သူက ကာကွယ်ရေးဦးစီးချုပ် (လေ) လည်း ဖြစ်တယ်) နဲ့ သတင်းစာတွေ ဌာနဆိုင်ရာ အစည်းအဝေး မဟုတ်ဘဲ (“Informally” ထမင်းလက်ဆုံ စားပွဲ ပုံစံနဲ့) တွေ့ဆုံမှုလေး ဖြစ်ခဲ့တယ်။  အမှန်တော့ ဗိုလ်နေဝင်းက သတင်းစာဆရာတွေရဲ့ လက်ရှိ အမြင်တွေသိရအောင် ဗိုလ်သောင်းဒန်ကို တွေ့ခိုင်းလိုက်တယ်လို့ ယူဆရတယ်။  အဲဒီအချိန်မှာ သတင်းစာ အများစုကို ပြည်သူပိုင်သိမ်းပြီး သွားပြီ ဆိုတော့ သူ့အောက်မှာ အစိုးရဝန်ထမ်းအနေနဲ့ လုပ်နေရတဲ့ အယ်ဒီတာချုပ်တွေ၊ အယ်ဒီတာတွေကို ဝန်ကြီးက ခေါ်တွေ့တာလည်း ဖြစ်တယ်။  သတင်းစာ အသီးသီးက အယ်ဒီတာချုပ်နဲ့ လက်ထောက် အယ်ဒီတာချုပ် တွေ တက်ရတယ်။  နောက် ပြန်ကြားရေးက အတွင်းဝန်၊ ဒါရိုက်တာ စတဲ့ ရာထူးတွေ ယူထားတဲ့ စစ်ဗိုလ်တွေလည်းပါတယ်။  ကြေးမုံကို စတင်တည်ထောင်တဲ့ ကြေးမုံဦးသောင်းလည်း ပြန်ကြားရေးဌာန အကြံပေးအရာရှိအနေနဲ့ ပါတယ်။

(စကားချပ် – ကြေးမုံဦးသောင်းရဲ့ ရာထူးကို ဗိုလ်နေဝင်းက တိုက်ရိုက် ဖန်တီးပေးပြီး ခန့်လိုက်တာ ဖြစ်တယ်။  လူကိုထောင်ချ၊ ပြီးတော့ သူပိုင် ကြေးမုံ သတင်းစာ ကိုသိမ်း၊ ပြီးတော့မှ ထောင်က လွှတ်တော့ ဗိုလ်နေဝင်းက ချော့တဲ့ အနေနဲ့ ရာထူး တခု ဖန်တီးပေးလိုက်တယ်။ အသေးစိတ်ကို အောက်မှာ ညွှန်းထားတဲ့ ဦးသောင်း ရဲ့ စာအုပ်များတွင် ရှုပါ။)

ကြေးမုံအနေနဲ့ အယ်ဒီတာချုပ်ဖြစ်တဲ့ ဆရာ ဇဝန နဲ့ အတူ လက်ထောက် အယ်ဒီတာချုပ် (အမှုဆောင်/တာဝန်ခံ အယ်ဒီတာ) ဦးဝင်းတင်လည်း တက်ရတယ်။  ဒီတွေ့ဆုံပွဲဟာ အမြဲ မျက်စိရှင်၊ နားပါးနေတတ်တဲ့ ဗိုလ်နေဝင်း က သတင်းစာတွေ အခြေအနေနဲ့ သတင်းစာဆရာတွေရဲ့ လက်ရှိ အမြင်ကို သိချင်လို့ပဲဆိုတာကို သတင်းရတဲ့ (ဒါမှမဟုတ် ခန့်မှန်းနိုင်တဲ့)၊   ခေတ်အဆက်ဆက်   နိုင်ငံရေးသြဇာ ရှိခဲ့တဲ့၊ တော်လှန်ရေး ကောင်စီခေတ် မှာလည်း အရေးပါ အရာရောက်နေတဲ့ ဦးသိန်းဖေမြင့်က (ဗိုလ်တထောင်သတင်းစာ အယ်ဒီတာချုပ်အနေနဲ့) စပြီး ဝန်ကြီးကို သတင်းစာတွေ အခြေအနေ ဆွေးနွေးဖို့ ခွင့်တောင်းပြီး သူကစပြီး သတင်းစာလောက အခြေအနေကို မိတ်ဆက်အနေနဲ့ နည်းနည်းပြောတယ်။  ပြီးတော့ ဦးဝင်းတင် ဘက်လှည့်ပြီး အောင်မြင်နေတဲ့ ကြေးမုံကို အဓိက တာဝန်ခံလုပ်တဲ့ ပုဂ္ဂိုလ်အနေနဲ့ သတင်းစာလုပ်ငန်းအခြေအနေကို ဆက်လက်ဆွေးနွေးဖို့ ပြောတယ်။  ဦးဝင်းတင်က ဆရာကြီးတွေ (ရွှေဥဒေါင်း – လုပ်သားပြည်သူ့ နေ့စဉ်၊ ဇဝန – ကြေးမုံ၊ ဦးခင်မောင်လတ် – Working People’s Daily၊ ဦးသိန်းဖေမြင့် – ဗိုလ်တထောင် အစရှိသဖြင့်) ကို ကျော်ပြီး မပြောချင်ပေမယ့် သူ့ကို ပြောခိုင်းနေတော့ မတတ်သာဘဲ လက်ရှိ စစ်တပ်ခေတ် သတင်းစာလောကကို ပွင့်ပွင့်လင်းလင်း ဝေဖန်ပြောဆိုခဲ့တယ်။

သတင်းလုပ်ငန်းတွေမှာ ဝန်ကြီး၊ ဝန်ကလေး၊ အတွင်းဝန်၊ ဒါရိုက်တာ၊ စစ်တပ် အစရှိသဖြင့် အဆင့်ဆင့် ဝင်ရောက် ခြယ်လှယ်ပုံ၊ သတင်းပိတ်ဆို့မှု စတာတွေကို ပြောတယ်။  အဲသလို ပြောတော့ သတင်းစာတွေနဲ့ တကယ် ဆက်ဆံပြီး အလုပ်လုပ်နေရတဲ့ ပြန်ကြားရေးက စစ်ဗိုလ် အရာရှိတွေက ခု ဦးဝင်းတင်ပြောနေတာတွေဟာ စာပေလွတ်လပ်ခွင့်ကို အခြေခံပြီး တောင်းဆိုနေတာဆိုပြီး ပုဒ်မအကြီးကြီး တပ်ပြီး ပြန်လည် ပြောဆိုတဲ့အပြင် အဲဒီ ကိစ္စကိုသူတို့ ဘယ်လိုကိုင်တွယ်ရမလဲ ဆိုတာပါ တခါတည်း သူ့တို့ အထက်အရာရှိဖြစ်တဲ့ ဝန်ကြီးကို မေးတယ်။  ဗိုလ်သောင်းဒန်လည်း ဘာပြောလို့ ပြောရမှန်းမသိဖြစ်နေတဲ့ အချိန်မှာ ဆရာ ဦးခင်မောင်လတ်က ဝင်ပြီးပြောတယ်။  ဦးခင်မောင်လတ်နဲ့ သူ့ဇနီး ဒေါ်ခင်မြ (ဒေါ်ခင်မျိုးချစ်) က ဗိုလ်နေဝင်းနဲ့ ပုဂ္ဂိုလ်ရေး ရင်းနီးကျွမ်းဝင်လို့ တော်လှန်ရေးကောင်စီခေတ် သတင်းစာလုပ်ငန်းမှာ ဝင်လုပ်ပေးနေတာ ဖြစ်တယ်။

ဦးခင်မောင်လတ်က ပညာတတ်၊ လူကြီးပီပီ အမြဲတမ်း တည်တည်ငြိမ်ငြိမ်နဲ့ အေးအေးဆေးဆေး ပြောတတ်ပေမယ့် အဲဒီအချိန်မှာတော့ စိတ်ထဲ အချဉ် ပေါက်နေတာ ကြာပြီဖြစ်တဲ့ ခံစားမှုနဲ့ ဦးဝင်းတင်ဘက်ကနေ ထောက်ခံပြီး စစ်ဗိုလ်တွေကို ပြင်းပြင်းထန်ထန် ပြန်ပြောတယ်။

“ဟုတ်တယ်..။ ကိုဝင်းတင်ပြောတာ မှန်တယ်။  အတွင်းဝန်တွေ၊ ဒါရိုက်တာတွေ၊ စစ်ဗိုလ်တွေက နည်းအမျိုးမျိုးနဲ့ သတင်းစာတွေကို ဖိနှိပ်နေတယ်။  အဲ့သလို လုပ်ရအောင် ခင်ဗျားတို့ စစ်ဗိုလ်အရာရှိတွေက ဘာကောင်တွေလဲ..။  ဝန်ကြီးက ခိုင်းလို့သတင်းတွေ ပိတ်ရတယ်. ပြောတယ်။  ဝန်ကြီးဆိုတာကော ဘာကောင်လဲ..။  တော်လှန်ရေးကောင်စီဝင်ရဲ့ အမိန့်ကြောင့်ပါလို့. ပြောတယ်။ အဲ့.. တော်လှန်ရေးကောင်စီဝင် ဆိုတာကကော ဘာကောင်လဲ..။  သတင်းစာလုပ်ငန်းကို ဘာသိလဲ…။”

အစရှိသဖြင့် တော်လှန်ရေးကောင်စီဝင်၊ ဝန်ကြီး၊ စစ်ဗိုလ်ချုပ် သုံးမျိုးစလုံးဖြစ်တဲ့ ဗိုလ်သောင်းဒန် တယောက်လုံးကို ရှေ့မှာ ငုတ်တုတ်ထားပြီး ပြင်းပြင်းထန်ထန်နဲ့ ဝင်ပြောတယ်။

ဗိုလ်သောင်းဒန်ကလည်း လူကြီးတွေအားလုံးရှေ့မှာဆိုတော့ စစ်တပ်ထုံးစံနဲ့ ရုပ်ပျက်အောင် ပြန်ပြောလို့ မရမှန်းသိတော့ (သူကိုယ်တိုင်လည်း လူကြီးလူကောင်း အနေနဲ့ ဖြစ်အောင် ကြိုးစားပြီး) “ကဲ.. ဒါတွေ ထားလိုက်ပါတော့.. ခု မိတ်ဖြစ် ဆွေဖြစ် တွေ့ကြတာ၊ ထမင်းပဲ ဆက်စားကြရအောင်ပါ..” လို့ ပြောပြီး အဲဒီ ဆွေးနွေးပွဲကို အမြန် နိဂုံးချုပ်လိုက်တယ်။

အဲဒီ အဖြစ်အပျက် ပြီးတော့ ဗိုလ်နေဝင်းက ဦးခင်မောင်လတ်နဲ့ ဒေါ်ခင်မျိုးချစ်ကို သူ့အိမ်တော်ကို ဖိတ်ပြီး “ကဲ.. ကိုလတ်ရေ.. ခင်ဗျား လည်း ဒီကောင်တွေနဲ့ (သူ့အောက်က စစ်ဗိုလ်တွကို ပြောတာ) ဆက်ဆံရတာ အဆင်မပြေဘူးကြားတယ်..။  ကိုလတ်လည်း စိတ်ညစ်နေမှာပဲ..။  ခုလက်ရှိ အလုပ် (အစိုးရသတင်းစာရဲ့ အယ်ဒီတာချုပ်ရာထူး) ဆက်မလုပ်ရင် ကောင်းမယ်။  နိုင်ငံခြားမှာ သံအမတ်ကြီး ရာထူး စီစဉ်ပေးမယ်..” အစရှိသဖြင့် ယဉ်ယဉ်ကျေးကျေးနဲ့ ပြောပြီး အလုပ်က ထုတ်တော့တာပဲ။

ဦးခင်မောင်လတ် ကလည်း “ကျနော်  သတင်းစာအလုပ်ကိုပဲ လုပ်ချင်တယ်။  ဒါပေမဲ့ မကျေနပ်ရင်ထွက်ပေးမယ်။  ကျနော်ဟာ အစကတည်းက ကျောင်းဆရာ အလုပ်လုပ်ခဲ့တယ်။  ခုလည်းကျောင်းဆရာအလုပ်ပဲ လုပ်မှာပေါ့” လို့ ပြောပြီး အဲဒီအချိန်က စစ်ဗိုလ်တိုင်း မက်မောတဲ့ သံအမတ်ရာထူးကို ငြင်းပြီး ထွက်ခဲ့တယ်။

အဲ့သလို ဦးခင်မောင်လတ် ထွက်ရတာကို ဆရာကြီး ရွှေဥဒေါင်း ကြားတော့ စိတ်မကောင်းဖြစ်ပြီး သူလည်းထွက်မယ် ဖြစ်တယ်။  ရွှေဥဒေါင်းဟာ တော်လှန်ရေးကောင်စီ စတက်ပြီး နောက်နှစ် (၁၉၆၃) အစိုးရ သတင်းစာအသစ် (လုပ်သားပြည်သူ့နေ့စဉ်) ထုတ်မယ် စီစဉ်ကတည်းက သူကိုယ်တိုင် မန္တလေးကနေ ပင့်ပြီး ယောက်လမ်း (ယောမင်းကြီးလမ်း) စစ်အရာရှိရိပ်သာ တိုက်ခန်းမှာ ကား၊ ယဉ်မောင်း၊ အဆောင်အယောင် အပြည့်အစုံနဲ့ လိုလေးသေး မရှိအောင်ထားပြီး အယ်ဒီတာချုပ် ရာထူးယူခိုင်းခဲ့တဲ့ “သတင်းစာဘုရား” ဆိုတော့ ဗိုလ်နေဝင်းက “ဆရာကြီး ထွက်မယ်မဆုံးဖြစ်ခင် သူ့အိမ်တော်မှာလာနေပြီး ဥပုသ် သီတင်း သီလစောင့် တရား အားထုတ် လှည့်ပါ” လို့ဖိတ်တယ်။  အနေအထိုင်၊ အစားအသောက် စီစဉ်ပေးပြီး ဆရာကြီး တရား အားထုတ်တာကို ဝတ်ကြီးဝတ်ငယ် ပြုစုရင်း ချော့တယ်။  ဒါပေမယ့် ဆရာကြီးက ဥပုသ် ထွက်တော့လည်း သူ့ဆုံးဖြတ်ချက် ကို မပြင်ဘဲ အလုပ်ကထွက်ပြီး မန္တလေး ပြန်သွားတယ်။

(စကားချပ် – အကြောင်းအရာနဲ့ သိပ်မဆိုင်ပေမယ့် ဆရာကြီးကို ဗိုလ်နေဝင်းတို့ စောင့်ရှောက်တာ အကောင်းလွန်ပုံကို ပြောရရင် ဆရာကြီးကတော် မျက်စိတိမ်စွဲတော့ အရပ် ဆေးရုံ မတက်စေဘဲ စစ်ဆေးရုံ တင်ပြီး ခွဲလိုက်တာ ဒေါ်ကြီးစိုး ခမျာ မျက်စိ တလုံး ကွယ်ပါလေရော..။)

ဦးဝင်းတင် အကြောင်း ဆက်ရရင် အထက်က ဆွေးနွေးပွဲမှာ စာပေလွတ်လပ်ခွင့်နဲ့ ပတ်သက်ပြီး စပြောခဲ့တဲ့ သူဆိုတော့ သူ့ကိုလည်း ထိတာပေါ့။  အဲဒီ အချိန်မှာ ပြည်သူပိုင် သိမ်းပြီးဖြစ်တဲ့ မြန်မာ့အလင်း နဲ့ ဟံသာဝတီ တခုခုကို မန္တလေးပြောင်းပြီး ထွက်မယ်။  (၁၉၆၇ ကတည်းက မန္တလေးက လူထုသတင်းစာ လည်း ပိတ်လိုက်ရပြီ။)  အဲ့မှာ ဦးဝင်းတင် အယ်ဒီတာချုပ် လုပ်စေ ဆိုပြီး နယ်နှင်ဒဏ်ပေးခံရတယ်။

ကျနော် တယောက်တည်း အယူအဆရတော့ ဦးဝင်းတင် နယ်နှင်ဒဏ် လောက်ပဲ ထိတာဟာ ဗိုလ်နေဝင်းက ဦးဝင်းတင်အပါ် ဆရာဇဝနနဲ့ ဆက်စပ်ပြီး ခင်မင်ရင်းစွဲစိတ် ရှိတာကြောင့်လို့ ထင်တယ်။  ဗိုလ်နေဝင်းနဲ့ ဆရာဇဝနက တနယ်တည်းသားတွေ ဖြစ်တဲ့အပြင် သူငယ်ချင်းတွေ ဖြစ်တော့ တော်တော်ရင်းနှီးတယ်။  အဲ့တော့ အမြဲတမ်း သူ့ရဲ့ အိမ် (နောင် အစိုးရအိမ်တော်) ကို ထမင်းစား၊ အရက်သောက် ဖိတ်တယ်။  အဲ့သလို ဖိတ်ရင် ဆရာဇဝနနဲ့ တွဲလျက် သူနဲ့အတူတူ ကြေးမုံမှာ လုပ်နေတဲ့ ကြေးမုံဦးသောင်း၊ ဦးဝင်းတင် တို့ကိုပါ ခေါ်လေ့ရှိတယ်။

ဆရာဇဝနက ဗိုလ်နေဝင်းနဲ့ ဘယ်လောက် ရင်းနှီးသလဲဆို အရက်ကလေး တခွက်၊ နှစ်ခွက်ဝင်ရင် စပြီး ဗိုလ်နေဝင်းကို စလိုက်၊ နောက်လိုက်၊ ငေါ့လိုက် လုပ်တော့တာပဲ။  ဗိုလ်နေဝင်းကလည်း “ကိုသိန်း..ကိုသိန်း..” နဲ့ ဆရာဇဝနကို ခေါ်ပြီး ရယ်(ရီ) ရင်း မောရင်းနဲ့ပဲ ဆရာဇဝန ငေါ့ သမျှခံတယ်။

သူတို့နှစ်ဦး ရင်းပုံကို သာဓက တခု ပြရရင်…

၁၉၆၃ ပြည်တွင်း ငြိမ်းချမ်းရေး ဆွေးနွေးပွဲပျက်တော့ သခင်စိုး အပါအဝင် တောထဲက ပုဂ္ဂိုလ်တွေ ပြန်တဲ့ အချိန်မှာ မြို့ပေါ်မှာ ရှိသမျှ လက်ဝဲ အရောင်ရှိသူရော၊ မရှိသူပါ နိုင်ငံရေးနဲ့ ဆက်စပ်နေတဲ့ စာရေးဆရာ၊ သတင်းစာဆရာ၊ နိုင်ငံရေးသမားတွေကို စစ်ထောက်လှမ်းရေးက အကုန်လိုက်ဖမ်းတယ်။ သခင်စိုးကြီးကို ကျပ်တထောင်တန် ညစာစားပွဲနဲ့ ဂုဏ်ပြုရမယ်လို့ ကြေညာပြီး ဧည့်ဝတ်ပြုတဲ့ စာရေးဆရာ၊ သတင်းစာဆရာ၊ အယ်ဒီတာ အထောက်တော်လှအောင် ကအစ သခင်စိုးကြီး စွန့်ပစ်ထားခဲ့တဲ့ မြို့ပေါ်က မယားကြီးကို ယူမိတဲ့ နောက် အိမ်ထောင်သစ် (ကံဆိုးရှာသူ) ယောက်ျား အဆုံး ရှိရှိသမျှ အဖမ်းခံနေရတဲ့ အချိန်ပေါ့။  အဲ့အချိန်က ဖမ်းခံထိတဲ့ အထဲမှာ ဟာသဖြစ်ရတဲ့ ဇာတ်လမ်း တပုဒ်ဆို ဇိမ်အိမ်မှာ လူငယ် တယောက် သူ့ကိစ္စပြီး၊ ပြန်မယ် လုပ်တဲ့အချိန်မှာ ဇိမ်မယ်က အပိုဘောက်ဆူးတောင်းတယ်။  လူငယ်က သနားတာနဲ့ အပိုကြေး (၅) ကျပ် ပေးလိုက်တယ်။  အဲ့တော့ ဇိမ်မယ်က (၅) ကျပ်ကတော့ နည်းပါတယ်၊ ထပ်ပိုပေးပါလို့ ပြောတော့ လူငယ်က “ဟဲ့ နင်က ငါ့များ စစ်ဗိုလ်မှတ်နေသလား..။ ငါ့က ရိုးရိုးသာမန် သမ္မာအာဇီဝနဲ့ စီးပွားလုပ်စားနေတဲ့ လူဟ၊ စစ်ဗိုလ်တွေလိုတော့ မပေးနိုင်ဘူး” လို့ ပြောပြီး ပြန်ခဲ့တယ်။  နောက်တနေ့ မိုးလင်းတော့ အဲဒီ လူငယ်လေး မတော်တရော် နေရာသွားပြီး စစ်ဗိုလ် သိက္ခာချရပါ့မလားဆိုတဲ့ ပုဒ်မနဲ့ ဖမ်းခံထိတယ်။

အဲ့သလို မည်းမည်း မြင်ရာ ဖမ်းနေတဲ့ အချိန်မှာ ကြေးမုံက လက်ဝဲအရောင်ရှိတဲ့ အယ်ဒီတာ စိန်ခင်မောင်ရီ (နာမည်ကြီး ရုပ်ရှင်ဝေဖန်ရေးဆရာ) နဲ့ ဦးသောင်းရဲ့ အတွင်းရေးမှုးပါ ဖမ်းခံရတယ်။  အဲ့တော့ ကြေးမုံဦးသောင်းလည်း ရန်ကုန်မြို့ထဲမှာပဲ ပတ်ပြီး တိမ်းရှောင်နေရတယ်။  အဲ့သလိုနဲ့ လေး၊ငါးလ ကြာတဲ့ အချိန်မှာ ဗိုလ်နေဝင်းက ဆရာဇဝနကို အိမ်တော်မှာ ထမင်းစားဖိတ်တယ်။  (လူထု ဦးလှလည်းပါတယ်။) စားရင်းသောက်ရင်း၊ ထွေရာလေးပါးပြောရင်းနဲ့ ဗိုလ်နေဝင်းက ဆရာဇဝနကို “ကိုသိန်း ခင်ဗျားလူကို သူ့သတင်းစာပြန်လုပ်ပါစေ၊ သူ့ကိုဖမ်းဖို့စာရင်းမှာ မပါဘူး၊ ဖမ်းလည်းမဖမ်းချင်ပါဘူး” လို့ပြောတယ်။  အဲ့သလိုပြောပြီး ခဏနေတော့ ဗိုလ်နေဝင်းကထပြီး နောက်ဖေး၊ နောက်ဖီ ထွက်သွားတယ်။ အဲ့အချိန်မှာ ထမင်းစားပွဲမှာ အတူတက်ရတဲ့ ဒေါက်တာမောင်မောင် (ဗိုလ်နေဝင်းရဲ့ လူယုံ၊ လက်ရင်း) က ဆရာ ဇဝန နဲ့ လူထုဦးလှကို “ကျနော့် ယောက္ခမကြီးလည်း ခုဖမ်းခံထိနေတယ်။  ဗိုလ်ချုပ်ကြီးကို ပြောပေးပါဦး” လို့ တောင်ပန်ရှာတယ်။ ဗိုလ်နေဝင်းပြန်လာတော့ ဆရာဇဝနနဲ့ လူထုဦးလှက “ဒေါက်တာမောင်မောင်ရဲ့ ယောက္ခမလည်း ဖမ်းခံနေရတယ်။ လွှတ်ပေးပါ” လို့ ပြောပေးရတယ်။  အဲ့သလိုပြောတော့ ဗိုလ်နေဝင်းက အံ့သြတကြီးနဲ့ “ဟ..မောင်မောင်ရာ..၊ မင်းနဲ့ ငါ့ နေ့တိုင်းတွေ့နေတာ၊ စောစောက ဘာလို့မပြောသလဲ” လို့မေးတယ်။ ဒေါက်တာမောင်မောင်က မဖြေရဲတော့ ဘာမှမဖြေဘဲ ငိုင်နေတယ်။  ဆရာဇဝနကသာ အရက်ကလေးနည်းနည်းဝင်နေပြီဆိုတော့ ထုံးစံအတိုင်း “ကြောက်လို့ပေါ့ဗျာ” လို့ ပြန်ပြောရဲတယ်။

ဆိုလိုချင်တာက ဗိုလ်နေဝင်းက ဆရာဇဝနကို အကြောင်းပြုပြီး ဦးဝင်းတင်ကို ခင်မင်တယ်။  ဦးဝင်းတင်ကို မန္တလေးပို့ပြီး နောက်ပိုင်းလည်း ဗိုလ်နေဝင်း မေမြို့၊ ပုဂံစတဲ့ ဒေသတွေ တိုင်းခန်းလှည့်လည်လို့ မန္တလေးဝင်ရင် ဦးဝင်းတင်ကို အမြဲခေါ်တွေ့ပြီး စကားပြောတယ်။  ဦးဝင်းတင် အစိုးရကိုယ်စားလှယ်အနေနဲ့ ဥရောပခရီးစဉ်ထွက်တုန်း လန်ဒန်မှာ ဗိုလ်နေဝင်း ဆေးကုတာနဲ့ ကြုံတော့လည်း ဦးဝင်းတင်ကို ခေါ်တွေ့တယ်။  စကားပြောရင်လည်း ဗိုလ်နေဝင်းက ဦးဝင်းတင်ကို အသက်ကွာပေးမဲ့ လေးလေးစားစား “ခင်ဗျား၊ ကျနော်” သုံးပြီး ပြောလေ့ရှိတယ်။  အဲ့တော့ ဗိုလ်နေဝင်းရဲ့ မင်း၊ ငါနဲ့ ပြောပြီး မအေ၊ နှမကုန်အောင် ဆဲခံနေကြ သူ့လက်အောက် က ဗိုလ်ချုပ်တွေ၊ တိုင်းမှုးတွေကပါ ဦးဝင်းတင်ကို ရှိန်ကုန်တယ်။  ဦးဝင်းတင် မန္တလေးမှာ အထိုက်အလျောက် လွတ်လွတ်လပ်လပ်နဲ့ စာပေ၊ သတင်းစာလုပ်ငန်းတွေ အောင်အောင်မြင် လုပ်နိုင်ခဲ့တာဟာ ဗိုလ်နေဝင်း “Blessing” ကြောင့်လို့လည်း ပြောလို့ရတယ်။  ဒါပေမယ့် နောက်ဆုံးတော့လည်း ဦးဝင်းတင် မန္တလေးမှာ လုပ်ငန်းတွေ အောင်မြင်၊ လူထုမေတ္တာခံယူနေတဲ့ အချိန်ကျတော့ လူထုချစ်တဲ့ လူတွေကို အမြဲတမ်း မနာလို မုန်းထားလေ့ရှိတဲ့ ဗိုလ်နေဝင်းရဲ့ စရိုက်အတိုင်း ဦးဝင်းတင်ကို မျက်စိစပါးမွှေးစူးလာပြီး နောက်ပိုင်း စနေ စာပေဝိုင်းမှာ ဦးသိန်းဖေမြင့်နဲ့ ပတ်သက်တဲ့ စာတမ်း တင်တာကို အကြောင်းပြုပြီး ဟံသာဝတီကိုဖျက်၊ ဦးဝင်းတင်ကိုလည်း အလုပ်က အနားယူခိုင်းခဲ့တယ်။

ဗိုလ်နေဝင်း ဦးသိန်းဖေမြင့်ကို မျက်မာန်တော်ရှရတာကလည်း ကလေးကလားနိုင်တယ်။  ဦးသိန်းဖေမြင့်ဟာ  စစ်တပ်အာဏာသိမ်းပြီး တော်လှန်ရေး အစိုးရတက်ကတည်းက ဗိုလ်နေဝင်းကို ထောက်ခံခဲ့တယ်။  ဗိုလ်နေဝင်းကလည်း ဦးသိန်းဖေမြင့်ကို ကြည်ဖြူတယ်။  တော်လှန်ရေးကောင်စီရဲ့ အတိုင်ပင်ခံကော်မတီမှာ ဒု-ဥက္ကဋ္ဌ ခန့်တယ်။  ဒါပေမယ့် တော်လှန်ရေးအစိုးရရဲ့ လုပ်ပုံကိုင်ပုံတွေ၊ နောက်ပိုင်း မဆလ ပါတီရဲ့ အပုပ်နံ့တွေကို တဖြည်းဖြည်း မနှစ်မြို့လာတော့ ဦးသိန်းဖေမြင့်က သူ ဆုံးခါနီး နှစ်တွေမှာ သူ့သတင်းစာရဲ့ “ပွင့်ပွင့်လင်းလင်းပြောပါရစေ” ကဏ္ဍကနေတဆင့် မဆလ ကို ဝေဖန်လာတယ်။  နောက်ဆုံး ဦးနေဝင်းရဲ့ ဝတ်လဲတော်ပုဆိုး အသုံးစရိတ် ကြီးမားတော်မူနေတာကို သရော်ပြီးရေးတော့ ရန်ကုန်က စာနယ်ဇင်းတွေမှာ စာရေးခွင့်ပိတ်ခံလိုက်ရတယ်။  အဲ့သလို ရန်ကုန်မှာ အပိတ်ခံရတဲ့ အချိန်မှာလည်း ဦးဝင်းတင်ကတော့ သူ့ဟံသာဝတီမှာ ဦးသိန်းဖေမြင့်ရဲ့ ဆောင်းပါးတွေကို ဆက်သုံးတယ်။  နောက်ဆုံး ဦးသိန်းဖေမြင့် ဆုံးတော့လည်း အစိုးရက သူ့အကြောင်း မရေးရဆိုပြီး အမိန့်ထုတ်တယ်။  ဒါပေမယ့် ဦးဝင်းတင်ကတော့ သူ့ရဲ့ စနေစာပေဝိုင်းမှာ “သိန်းဖေမြင့် အမှတ်တရ” အနေနဲ့ သိန်းဖေမြင့်ရဲ့ “နိုင်ငံရေးသမား၊ စာရေးဆရာ၊ သတင်းစာဆရာ” စတဲ့ ဘဝ သုံးခု အကြောင်းစာတမ်း (၃) စောင်ကို သခင်ကျော်စိန်၊ ချင်းတွင်းချစ်သွေး တို့နဲ့အတူတင်ပြီး ဂုဏ်ပြုတယ်။  အဲ့သလို လုပ်ခဲ့လို့လည်း လက်ငင်းအကြောင်းအနေနဲ့ ဦးဝင်းတင် မန္တလေးကနေ ထွက်တောမူ နန်းကခွာခဲ့ရတယ်။  တကယ့်အကြောင်းကတော့ ကျနော် အထက်ကပြောသလို ဦးဝင်းတင် မန္တလေးမှာ နေခဲ့တဲ့ (၉)နှစ်တာ ကာလအတွင်းမှာ လုပ်ခဲ့တဲ့ ကောင်းမွန်တဲ့လုပ်ရပ်တွေကိုအကြောင်းပြုပြီး ကောင်းတာလုပ်ရင် မကြိုက်တဲ့ အာဏာရှင်တွေရဲ့ ထုံးစံအတိုင်း ဗိုလ်နေဝင်း၊ စစ်တပ်နဲ့ မဆလပါတီက ဦးဝင်းတင်ကို ရန်သူစာရင်းသွင်းလိုက်ကြတော့တာပဲ။

ဦးဝင်းတင် မန္တလေးကို စရောက်တဲ့အချိန် (၁၉၆၉) ကိုပြန်ဆက်ရရင်. ဟံသာဝတီ မန္တလေးမှာ စထုတ်တော့ ဗိုလ်သောင်းဒန်က သတင်းစာမှာ နိုင်ငံရေးအနေနဲ့ အစိုးရနဲ့ မတည့်တဲ့၊ စာပေလမ်းစဉ်အနေနဲ့လည်း အထက်ဗမာပြည်စာရေးဆရာအသင်းကို ဦးဆောင်ပြီး “စာပေကို စကားပြောနဲ့ရေးမယ်” ဆိုတဲ့ “တယ်” စာပေတိုက်ပွဲ လှုပ်ရှားမှုကို  မြန်မာစာပါမောက္ခ ဦးကျော်ရင်၊ သမိုင်းပညာရှင် ဒေါက်တာသန်းထွန်း၊ မောင်သာနိုး စသူတို့နဲ့ အတူ ဦးဆောင်လှုပ်ရှားနေတဲ့ လူထု ဦးလှ၊ လူထု ဒေါ်အမာ အစရှိသူတွေရဲ့ စာတွေ မထည့်ဖို့မှာတယ်။  အဲ့တော့ ဦးဝင်းတင်က “ကျနော်တို့ မန္တလေးမှာ အစိုးရ သတင်းစာထုတ်ဖို့သွားတာက လူထုဦးလှတို့နဲ့ ရန်ဖြစ်ဖို့သွားတာမဟုတ်ဘူး။  လူထုမောင်နှံလို စာပေသြဇာရှိတဲ့၊ မြို့ခံ မြို့မိ၊မြို့ဖ လည်းဖြစ်တဲ့ ပုဂ္ဂိုလ်တွေရဲ့ စာတွေကို ကျနော်ကတော့ ငြင်းစရာအကြောင်းမရှိဘူး။  “တယ်” နဲ့ရေးလည်း စာကောင်းရင်၊ အကျိုးရှိရင် ထည့်ရမှာပဲ။  အဲ့တော့ ကျနော် အယ်ဒီတာ တယောက်အနေနဲ့ တာဝန်ယူပြီး သူတို့စာတွေထည့်မယ်။  ဒါပေမယ့် အစိုးရ သတင်းစာဖြစ်တဲ့အတွက် အစိုးရရဲ့ ပေါ်လစီနဲ့ မကိုက်လို့ မထည့်နိုင်တဲ့ တချို့စာတွေတော့ ခြွင်းချက်ပေါ့” ဆိုပြီး ပြန်ပြောတယ်။ ဗိုလ်သောင်းဒန်ကလည်း “unofficially” လွတ်လွတ်လပ်လပ်လုပ်ဖို့ သဘောတူလိုက်တယ်။

ဦးဝင်းတင် ကို လူထု ဦးလှ နှင့် အတူ ဧည့်ခံပွဲ တခု တွင် တွေ့ရပုံ

ဓာတ်ပုံ – မိုးမခ

တကယ်လည်း မန္တလေးမှာ ဟံသာဝတီသတင်းစာ စ ထုတ်တော့ စ ထွက်တဲ့ နေ့မှာကို ဆရာတော် ဦးသောဘိတ (ရွှေကိုင်းသား)၊ လူထုဦးလှ၊ လူထု ဒေါ်အမာ အစရှိတဲ့ မြို့ခံစာပေပညာရှင်တွေရဲ့ ဆောင်းပါးတွေနဲ့ ဖွင့်ခဲ့တယ်။  ရန်ကုန်က ပုဂ္ဂိုလ်ရေး ခင်မင်တဲ့ (ကြေးမုံကတည်းကလည်း သုံးလာတဲ့) ကာတွန်းဆရာကြီး ဦးဖေသိန်း၊ ဦးဘထွေး စသူတွေရဲ့ ကာတွန်းတွေမသုံးဘဲ ဒေသအသံထွက်စေချင်လို့ ဒေသခံ လူသစ်ကာတွန်းဆရာမြောက်များစွာ (ကံချွန်၊ ဗိုလ်မောင် အစရှိသဖြင့်) ကို မွေးထုတ်ပြီး သူ့သတင်းစာမှာ သုံးတယ်။  ပန်းချီဆရာတွေမှာလည်း မြို့ခံ ဆရာပေါ်ဦးသက်၊ ဆရာဝင်းဖေ စတဲ့ သူတွေကို သုံးတယ်။  ထက်မြက်တဲ့ ကလောင်ရှင်၊ ဆောင်းပါးရှင်၊ သတင်းထောက် (ကံချွန်၊ ကျော်မင်းကျော်၊ စိန်ရွှေလှိုင် အစရှိတဲ့) အမြောက်အများကို  မွေးထုတ်ပေးခဲ့တယ်။  ဒေသရဲ့ စာပေ၊ လူမှု၊ ပညာ၊ စီးပွား၊ နယ်ပယ်အသီးသီးမှာ ဦးဆောင်နေတဲ့ သူတွေရဲ့ စာတွေနဲ့ သူ့သတင်းစာကို ဒေသခံ ပြည်သူ့တွေရဲ့အသံ၊ ခံစားချက်တွေ ကို ဟစ်ကြွေးပေးနေတဲ့ ရှေ့တန်းခံတပ်ဖြစ်အောင် တည်ဆောက်ခဲ့တယ်။  အဲ့သလို ဒေသအသံ၊ ဒေသရနံ့တွေနဲ့ သင်းထုံနေတဲ့ အောင်မြင်တဲ့ သတင်းစာ တစောင်ကို မွေးထုတ်နိုင်ခဲ့တယ်။  ပညာရှင်တွေရဲ့ ဆောင်းပါးတွေ၊ အာဘော်တွေနဲ့လည်း (သူ့အရင်လုပ်တဲ့ ကြေးမုံလို “intellectual works” များများသုံးပြီး) သတင်းစာ အဆင့်အတန်းကို မြှင့်တင်ခဲ့တယ်။

စာပေ၊ အနုပညာ အတွက်လည်း (စစ်တပ်စတက်ကတည်းက မရှိတော့တဲ့) စာရေးဆရာတွေ၊ သတင်းစာဆရာတွေ တွေ့ဆုံဆွေးနွေးပွဲ၊ စာတမ်းဖတ်ပွဲတွေ၊ ဟောပြောပွဲတွေ သူ့သတင်းစာတိုက်မှာ ဦးဆောင်ပြီးလုပ်တယ်။  နောက်ပိုင်း “စနေစာပေဝိုင်း” ဆိုပြီး နာမည်ကြီးခဲ့တယ်။  စနေစာပေဝိုင်း မှာ ဦးသောဘိတ၊ ဦးလှ၊ ဒေါ်အမာ၊ ဒေါက်တာသန်းထွန်း၊ ဦးချမ်းမြ၊ ဦးတင့်လွင်၊ မြန်မာစာ ပါမောက္ခ ဒေါ်သန်းဆွေ၊ ဒါးတန်းဦးသန့် အစရှိတဲ့ ပညာရှင်တွေရဲ့ စာပေ၊ အနုပညာ၊ ရိုးရာယဉ်ကျေးမှုစတဲ့ နယ်ပယ်အသီးသီးနဲ့ပတ်သက်တဲ့ စာတမ်းတွေ အပတ်စဉ် ဖတ်စေတယ်။  သူကိုယ်တိုင်လည်း စာတမ်းတွေ တင်၊ ဟောပြောတယ်။  သူ့လက်အောက်က သတင်းထောက်တွေ အရည်အသွေး တက်စေဖို့ သတင်းထောက် အလုပ်ရုံဆွေးနွေးပွဲတွေ၊ လေ့လာရေးခရီးတွေ လုပ်ပေးတယ်။  ကိုယ်တိုင်လည်း နယ်တွေဆင်း လူထုနဲ့ အနီးကပ်နေ၊ နယ်သတင်းထောက်တွေနဲ့ ဆွေးနွေးပွဲ၊ ဟောပြောပွဲတွေလုပ်တယ်။

သူရဲ့သတင်းထောက်တွေ ကလောင်စွမ်း ဘယ်လောက် ထက်သလဲဆို သူတာဝန်က ရပ်စဲခံရပြီး ဗမာပြည်အနှံ့ ခရီးလှည့်လည်နေစဉ် “ယောချောင်” က ရွာလေး တရွာကို ရောက်တော့ ရွာဦးကျောင်း ဆရာတော်ကို “ဟံသာဝတီ သတင်းစာ အယ်ဒီတာချုပ်” ပါလို့ မိတ်ဆက်တော့ ဆရာတော်က (ဟံသာဝတီ ဆိုတဲ့ အသံကြားတာနဲ့) ဝမ်းသားအားရ စကားတွေပြော၊ မေးခွန်းတွေ မေးတော့တာပဲ။ “ဒကာကြီးက ဟံသာဝတီက ဆိုတော့ ‘ကျော်မင်းကျော်’ နဲ့ ဘယ်သူကကြီးလဲ” လို့ ဘွင်းဘွင်းကြီးမေးရော။  အဲ့တော့ ပါလာတဲ့ နယ်ခံသတင်းထောက် တယောက်က “အရှင်ဘုရား.. အယ်ဒီတာချုပ်ဆိုတာ သတင်းစာတိုက် မှာတော့ အကြီးဆုံး ဘုရား” လို့ ပြန်လျှောက်ရတယ်။  အဲ့တော့ ဆရာတော်က “ဘုန်းကြီးက ‘ကျော်မင်းကျော်’ တော့ လေးစာတယ်၊ ပြည်သူ့ဘက်က ရပ်ပြီး အမြဲတမ်း ရေးပေးတဲ့အတွက် ကြည်ညိုတယ်၊ ကျန်တဲ့ သူတွေတော့ အရေးကြီးတယ် မထင်ပေါင်” လို့ ပြန်မိန့်တယ်။  ဦးဝင်းတင်က သူမြေတောင်မြှောက်ပေးခဲ့တဲ့ သတင်းထောက်တွေ၊ ချွန်မြတဲ့ ကလောင်ရှင် တွေ ပြည်သူ့မေတ္တာ သူ့ထက်ပိုခံယူနိုင်တာကို မုဒိတာပွားနိုင်ခဲ့တယ်။

နိုင်ငံရေးဝေဖန်မှုအနေနဲ့ အစိုးရသတင်းစာဖြစ်တဲ့အတွက် ပြင်းပြင်းထန်ထန်မလုပ်နိုင်ပေမယ့် အစိုးရသတင်းစာအချင်းချင်း ယှဉ်ရင် ခေါင်း တလုံး မြင့်ရပ်တည်ခဲ့ပြီး သူများထက် ဟံသာဝတီက မတရားမှုတွေကို ဖော်ထုတ်တယ်။  ဝေဖန်တယ်။  အမြဲတမ်း လူထုဘက်က မာမာထန်ထန် ရပ်တည်ပေးနိုင်ခဲ့တယ်။

အထက်မှာ ပြောခဲ့တဲ့ အကြောင်းအရာတွေအားလုံးထက် ရင်ကို ထိစေတဲ့ ဦးဝင်းတင်ရဲ့ ဟံသာဝတီ အယ်ဒီတာချုပ်ဘဝ မန္တလေးမှာ လုပ်ဆောင်ချက်တွေက စာပေ၊ သတင်းစာ၊ နိုင်ငံရေးနဲ့ မပတ်သက်တဲ့ သူ့ရဲ့ အုပ်ချုပ်မှုပိုင်းဆိုင်ရာ စွမ်းရည်၊ သဘောထား၊ ခံယူချက်တွေဖြစ်တယ်။  သူ့လက်အောက်မှာ အုပ်ချုပ်နေရတဲ့ သတင်းစာလုပ်ငန်းရဲ့ အခြေခံဝန်ထမ်း လူလေးငါးခြောက်ဆယ် လောက်နဲ့ သူတို့ရဲ့ မိသားစု ဘဝတွေ သာယာဝပြောရေးအတွက် ဦးဝင်းတင် လုပ်ပေးခဲ့တာတွေဟာ မန္တလေးမှာ ပြောစမှတ်တွင်ကျန်ခဲ့တယ်။

သူ့အတွက် ကား ထားဖို့ ပေးထားတဲ့နေရာမှာ အဆောင်လေးဆောက်ပြီး ဝန်ထမ်းသက်သာ လက်ဖက်ရည်ဆိုင်လေးဖွင့်စေတယ်။  ဝန်ထမ်းတွေအတွက် အထူးသက်သာတဲ့နှုန်းနဲ့ ဟင်း၊ ထမင်းကြော် စတာတွေပါတွဲပြီး ရောင်းစေတယ်။  ဝန်ထမ်းတွေရဲ့ သားသမီးတွေကိုလည်း ဆိုင်မှာခေါ်ပြီး အလုပ်ပေးတယ်။  ကလေးတွေ ဆိုင်မှာပဲ စားပွဲထိုး၊ ပန်းကန်ဆေး ဘဝနဲ့ အချိန်ကုန်မသွားစေဘဲ နည်းနည်း အချိန်ကြာလာတာနဲ့အမျှ သူတို့ကို စာစီ၊စာရိုက်၊ ပုံနှိပ်စက်ပညာတွေ သင်ပေးစေတယ်။  ပြီးတော့ သူ့ရဲ့ သတင်းစာတိုက်မှာ အစိုးရဝန်ထမ်းအနေနဲ့ ပြန်ခန့်ပေးတယ်။  ဆိုင်ကရတဲ့ အမြတ်အားလုံးကို ဝန်ထမ်းတွေရဲ့ မီးဖိုချောင်စရိတ်အတွက် ခွဲပေးတယ်။  ကလေးတွေ ကျောင်းပညာဆက်လက် သင်နိုင်အောင် ထောက်ပံ့တယ်။  ဝန်ထမ်းတွေအတွက် အခမဲ့ ဆေးခန်းလေး ဖွင့်ပေးတယ်။  ဝန်ထမ်းတွေ သူတို့နေတဲ့ရပ်ကွက်ထဲမှာ လူရာဝင်လာအောင်၊ လူလေးစားလာမှု၊ ခေါင်းဆောင်မှုရအောင် ဝန်ထမ်း တအိမ်ထောင်စု အနေနဲ့ ဝန်ထမ်းမဟုတ်တဲ့ အိမ်နီးချင်း ရပ်ကွက်ထဲက မိသားစု လေးစု စာနှုန်း သူ့ရဲ့ (သတင်းစာတိုက်ရဲ့) အခမဲ့ ဆေးခန်းမှာ လာကုခွင့်ပေးတယ်။

သူရဲ့ အယ်ဒီတာချုပ်အခန်းဟာ အဆောင်အယောင်မရှိ၊ တံခါးတောင်မရှိဘူး။  သူ့လက်အောက်က ဝန်ထမ်း ကြီးငယ်မရွေးဝင်ပြီး သူနဲ့ စကားပြောဆို၊ ဆွေးနွေး၊ တင်ပြနိုင်တယ်။  သူကိုယ်တိုင်လည်း ကိန်းခန်း တကြီးမနေဘဲ စာစီသမားတွေလုပ်တဲ့ အခန်းထဲက စားပွဲမှာ သွားထိုင်ပြီး အလုပ် လုပ်လေ့ရှိတယ်။  အခြေခံဝန်ထမ်းတွေနဲ့ နီးနီးကပ်ကပ် အမြဲနေထိုင်ပြီး သူတို့ရဲ့ လှုမှုဘဝ သာရေး၊နာရေး ကိစ္စအဝဝကို သူမှာရှိတဲ့ ရာထူး၊ အာဏာ၊ ငွေကြေး ရှိသမျှလေးနဲ့ တာဝန်ယူပေးတယ်။

အဲ့သလို မန္တလေးမှာ လုပ်ခဲ့တဲ့ သူရဲ့ ချီးမွမ်းဖွယ် နာမည်ကျော် ဖြစ်ရပ်တွေကို လွတ်လပ်တဲ့ အာရှအသံ၊ အစီအစဉ် တင်ဆက်သူက ဦးဝင်းတင်ကိုမေးရင်းနဲ့ ဖြတ်ပြီးတော့ “ဆရာ ဒီလိုတွေလုပ်ဖို့ ဘယ်လို အတွေးအခေါ်၊ အကြံဉာဏ်တွေ ရခဲ့လဲ” ဆိုတဲ့ မေးခွန်းကို ဦးဝင်းတင်ပြန်ဖြေပုံက ပိုပြီး မှတ်သားနာယူဖို့ကောင်းတယ်။  ဦးဝင်းတင်က

“ဒါတွေကို လုပ်ခဲ့တာ အတွေးအခေါ်၊ အကြံဉာဏ်ကြောင့်မဟုတ်ဘူးဗျာ့..။  ခံစားချက်ကြောင့်ဗျာ့..။  လက်တွေ့မြင်တွေ့နေရတဲ့ လူတွေရဲ့ ဒုက္ခတွေကို ရင်ထဲ၊ နှလုံးထဲ၊ စိတ်ထဲကနေ ခံစာရင်ဒီလိုပဲ လုပ်ရမယ်”

လို့ ပြန်ဖြေတယ်။  ဦးဝင်းတင်က တဆက်တည်း ခုလက်ရှိ ဗမာပြည်မှာ ဖြစ်ပျက်နေတဲ့ ပြည်သူလူထုရဲ့ ဒုက္ခ၊ သုက္ခတွေကို စစ်ဗိုလ်ချုပ်ကြီးတွေအနေနဲ့ တကယ် စိတ်ထဲ၊ အသည်းထဲက ခံစားနားလည်မပေးတာ၊ လူထုသက်သာချောင်ချိ၊ ဘဝ သာယာလာရေး အတွက် လုပ်မပေးနိုင်တဲ့ သူတို့ရဲ့ စိတ်ဓာတ်တွေကို အံ့သြရတယ်လို့ ဆက်ပြောတယ်။

ဦးဝင်းတင်ရဲ့ လက်အောက်က  ဝန်ထမ်းတွေကို အုပ်ချုပ်ပုံစနစ် နဲ့ သူရဲ့ ခံစားချက်၊ ခံယူချက်၊ သဘောထား၊ လုပ်ရပ်တွေကို အရင်ကလည်း (ဆရာတင်မိုး အစရှိတဲ့ သူများတွေရေးတဲ့) စာအုပ်တွေမှာ ဖတ်ဖူး၊ နောက် သူကိုယ်တိုင်လည်း ရေဒီယိုမှာ ပြောတာတွေနားထောင်ရတော့ သူအုပ်ချုပ်ခွင့်ရတဲ့ လူလေး လေးငါးခြောက်ဆယ်ကနေပြီးတော့ ရပ်ကွက်၊ မြို့နယ်၊ တိုင်း၊ နိုင်ငံဆိုပြီး ချဲ့တွေးကြည့်မိတယ်။  လူအနည်းအများကွာပေမဲ့ အုပ်ချုပ်ရတဲ့၊ တာဝန်ယူရတဲ့ သဘောတရားက အတူတူပဲ ဖြစ်တယ်။  ဦးဝင်းတင် သူ့ဝန်ထမ်းတွေကို လုပ်ပေးခဲ့တဲ့ စားဝတ်နေရေးချောင်လည်ရေး၊ ကလေးတွေပညာသင်နိုင်ရေး၊ ဘဝမှာ ပညာ တခုခုနဲ့ အမှီအခိုကင်းကင်း ရပ်တည်နိုင်ရေး၊ ကျန်းမာရေး စောင့်ရှောက်မှု စတဲ့ လူမှုဘဝသာယာဝပြောမှုလုပ်ငန်းတွေဟာ တိုင်းပြည်နဲ့ချီ ပြောရင်လည်း အဓိကလိုအပ်တဲ့၊ ဦးစားပေးလုပ်ရမယ့် တိုင်းသူပြည်သားတွေအတွက် စီးပွားရေး၊ ပညာရေး၊ ကျန်းမာရေး ပြည့်စုံအောင်လုပ်ပေးရတဲ့ လုပ်ငန်းတွေပဲ ဖြစ်တယ်။  လုပ်နည်းလုပ်ဟန်နဲ့ သဘောတရားကအတူတူပဲ။  တကယ်လုပ်ပေးနိုင်/ချင်ဖို့က အာဏာ၊ အခွင့်အရေး၊ တာဝန်၊ ဝတ္တရား ရှိတဲ့ သူတွေရဲ့ ခံယူချက်၊ စိတ်ခံစားမှု၊ တကယ်လုပ်ပေးချင်တဲ့ ဆန္ဒကသာ စကားပြောတယ်။

ခုလက်ရှိ ပြည်သူ့အစိုးရပါ ဆိုပြီးတက်လာတဲ့ အစိုးရသစ်အနေနဲ့ ဆရာဦးဝင်းတင်လို အောက်ခြေကလူတွေရဲ့ အသံကိုနားထောင်၊ စာနာနားလည်၊ ခံစားပြီးတော့ သူတို့အတွက် ကောင်းရာမွန်ရာကို မဖြစ်မနေ ဆောင်ရွက်ရမယ်ဆိုတဲ့ အသိ၊ ခံယူချက်၊ ခံစားချက်ရှိဖို့လိုတယ်။  အဲ့ဒါက ပိုပြီး အရေးကြီးတယ်။  တကယ်လက်တွေ့ တိုင်းပြည်ကို သာယာဝပြောတိုးတက်အောင် လုပ်ပေးနိုင်တဲ့ အသိဉာဏ် ပညာ၊ အတွေးအခေါ် မရှိရင်တောင် အဲ့ဒါတွေကို ရှိတဲ့၊ သိတဲ့ အသိပညာရှင်၊ အတတ်ပညာရှင်တွေက ဝိုင်းဝန်းပံ့ပိုးပေးလို့ရတယ်။  အစိုးရကောင်း တရပ်မှာရှိရမယ့် ပြည်သူ့အသံ၊ ခံစားချက်ကို နားထောင်ချင်တဲ့စိတ်၊ စာနာနားလည်နိုင်တဲ့ ပြည့်ဝတဲ့ နှလုံးသားတွေမရှိရင် တိုင်းပြည်တိုးတက်အောင် ဘာမှဆက်ပြီးတော့ လုပ်လို့ရမှာ မဟုတ်ဘူး။  အဲ့သလို ခံစားနားလည်တဲ့ စိတ်နှလုံးမရှိဘဲ ဇွတ်လုပ်လည်း တိုင်းပြည်က ဆင်းရဲတွင်းက ထွက်လာနိုင်မှာ မဟုတ်ဘူး။  ဆိုတော့ကာ အစိုးရသစ်ရဲ့ သမ္မတ က အစ၊ ကျေးရွာ၊ ရပ်ကွက် အုပ်ချုပ်ရေးမှုး အဆုံး အထိ အခြေခံ လူတန်းစား အများစုရဲ့ ဆန္ဒ၊ သဘောထား၊ သူတို့ခံစားနေရတဲ့ လူမှုဘဝဒုက္ခတွေကို ခံစားနားလည်နိုင်တဲ့ စိတ်နှလုံးပိုင်ရှင်တွေဖြစ်အောင် ကြိုးစားစေချင်တယ်။  တိုင်းပြည်အနာဂတ်အတွက် လှပတဲ့ အသီးအပွင့်တွေ ဝေဆာနိုင်အောင် ကောင်းမွန်တဲ့ အကျင့်တွေ ခုကစပြီး ပြုစုပျိုးထောင်စေချင်တယ်။

နိဂုံးချုပ်အနေနဲ့တော့ ဆရာဦးဝင်းတင်ရဲ့ သူ့ဘဝဇာတ်ကြောင်းပြောထားတဲ့ ရေဒီယိုအစီအစဉ်တွေကို စာအုပ်အနေနဲ့ ပြည်တွင်းမှာ ထုတ်စေချင်တယ်။  အနည်းဆုံး “Audio Autobiography” အနေနဲ့ဖြစ်ဖြစ် ထုတ်စေချင်တယ်။  ဒီမိုကရေစီ အစိုးရသစ်လို့ အမြဲအော်အော် နေတော့ ပြည်တွင်းမှာ ထုတ်ဝေခွင့်ရမယ်လို့လည်း မျှော်လင့်တယ်။

ဆရာဦးဝင်းတင် သက်ရှည်၊ ကျန်းမာပြီး တိုင်းပြည်အကျိုး ဆထက်တပိုး ဆောင်ရွက်နိုင်ပါစေ။

ငြိမ်းချမ်းအေး

၀၄၊ မတ်လ၊ ၂၀၁၂

(မိုးမခ မီဒီယာ အင်တာနက် စာမျက်နှာတွင် မူရင်း ဖော်ပြခဲ့သည်။)

၁) http://moemaka.com/?p=21380 (အပိုင်း – ၁)

၂) http://moemaka.com/?p=21402 (အပိုင်း – ၂)

ရည်ညွှန်း ။ ။

“ခေတ်ဝန်ကိုထမ်း၍ ခေတ်လမ်းကို လျှောက်ခြင်း” ရေဒီယိုအစီအစဉ်၊ လွတ်လပ်တဲ့အာရှအသံ။

ကြေးမုံ ဦးသောင်း (အောင်ဗလ) ရေး “ဗိုလ်နေဝင်း ဇာတ်လမ်းရှုပ်သမျှ” နှင့် “ဘီလူးတို့ရွာ”။